Privatar føðistovur í Suðuroy og Norðoyggjum

10.04.2018 - 12:16
AktueltPolitikkur
Privatar føðistovur í Suðuroy og Norðoyggjum
Barnakonur mugu til Havnar at eiga, og tað finst Elsebeth M. Gunnleygsdóttir at. Hon vil vita, um tað ber til at skipa privatar føðistovur
 

Føðideildirnar á Klaksvíkar- og Suðuroyar sjúkrahúsi vórðu niðurlagdar fyri nøkrum árum síðani, og mong eru ikki fegin um hesa skipan, tí barnakonur noyðast til Havnar í góðari tíð, áðrenn tær skulu eiga, sigur Elsebeth Mercedis Gunnleygsdóttir. 

Tí vil Elsebeth Mercedis Gunnleygsdóttir í Fólkaflokkinum vita, um Sirið Stenberg, landsstýriskvinna í heilsumálum, ætlar at gera ein skipan, soleiðis at ljósmøður kunnu seta privatar føðistovur á stovn.

Hon sigur, at eingin faklig forðing eigur at verða fyri, at barnakonur fáa privat tilboð, og eitt nú kundu verið skipaðar privatar føðistovur í Suðuroy og Norðoyggjum.

Ljósmøður hava góðkenning at hava sjálvstøðugt virki og eiga rættin at taka ímóti børnum sambært autorisasjónslógini. 

Sum er, mugu barnakonur, sum vilja eiga á privatari føðistovu, gjalda sjálvar.

Upphæddin, sum almenna sjúkrahúsverkið nýtir til hvørja barnakonu, kann verða goldin til privatu føðistovuna fyri barnakonurnar, sum eiga har.

Elsebeth Mercedis Gunnleygsdóttir spyr eisini Sirið Stenberg, um hon ætlar at lata føðideildirnar á Klaksvíkar- og Suðuroyar sjúkrahúsi uppaftur, um tað ikki ber til at lóggeva soleiðis, at privatar føðistovur kunnu fáa almennan stuðul til raksturin.

 
Nýggjastu sendingar í ÚV
Mikudag 27. januar
BREDDIN
119514
Mikudag 27. januar
Nón 27. januar 2021
119510
Mikudag 27. januar
Góðan morgun Føroyar 27.01.2021
119494
Týsdag 26. januar
Breddin
119470
Nýggjastu sendingar í SV
Týsdag 26. januar
Jørðin II 2 - Fjøll
119465
Mánadag 25. januar
3-2
119421
Sunnudag 24. januar
Andakt við Frank Jacobsen
119359
Sunnudag 24. januar
Guðstænasta í Kvívíkar kirkju
119351