Fleyr: Vit eru favorittur

11.04.2018 - 12:18
ÍtrótturFlogbóltur
Fleyr: Vit eru favorittur
Venjarin hjá Fleyr væntar spennandi finalur, hóast hansara lið er favorittur
 
 

Hósdagin eru fyrru FM-finalurnar í flogbólti hjá kvinnum og monnum.

Hjá kvinnunum spæla Fleyr og KÍF.

Venjarin hjá Fleyr, Kristian Mikkelsen, sigur, at hansara spælarar mugu taka favorittleiklutin á seg

-Vit liva við leiklutinum at vera favorittar, men vit hava sera stóra virðing fyri KÍF, sigur Kristian Mikkelsen. 

Hann verður tó vónbrotin um Fleyr, sum longu hevur vunnið steypakappingina, ikki eisini vinnur FM.

- Málið er heilt greitt hjá okkum. Vit fara eftir greipuni. Tað sigur seg sjálvt, tá vit liggja so langt fremst nú grundspælið er liðugt og bara finalurnar eru eftir.

-Men tá tað er sagt, so vænti eg tvær javnar finalur, sigur Kristian Mikkelsen

Vunnu grundspælið greitt

Kristian Mikkelsen er diplomatiskur, tá hann leggur tekstin út, nú finalurnar í kvinnuflogbólti skulu spælast í morgin og leygardagin.

Hansara lið endaði grundspælið við 42 stigum, sum er 17 stig fleiri enn KÍF fekk. 

- Tað forpliktar sjálvandi, tá man er so langt frammanfyri mótstøðuliðið í finaluni.

-Men talan er ikki um nakra lætta uppgávu, tí nú grundspælið er liðugt verður alt 0-stillað undan finaluni, og tí hava vit slett einki at geva av.

Virðing fyri KÍF

Venjarin hjá KÍF leggur dent á, at hann hevur virðing fyri KÍF.

- Vit vita, at KÍF hevur eitt gott lið, og tær góvu okkum eisini ein skarpan gang í seinasta landskappingardystinum, sum vit leiktu í Kollafirði.

-Men hyggja vit eftir úrslitunum hjá teimum í ár, so síggja vit, at tær hava klárað seg sera væl á heimavølli og minni væl á útivølli.

-Tí skulu vit gera okkum dælt av, sigur Kristian Mikkelsen.

Beinleiðis í kringvarpinum

Kringvarpið stroymir finalurnar hjá kvinnum og monnum beinleiðis bæði hóskvøldið og leygardagin

Hósdagin 12.04.2018 18.00 Fleyr-KÍF (kv.)
Hósdagin 12.04.2018 20.00 ÍF-Mjølnir (m.)
Leygardagin 12.04.2018 13.30 Fleyr-KÍF (kv.)
Leygardagin 12.04.2018 16.00 ÍF-Mjølnir (m.)

 

Nýggjastu sendingar í ÚV
Leygardag 23. februar
Hvør myrdi Alec de Antiquis
91097
Leygardag 23. februar
Leygardagur 23.02.19
91563
Leygardag 23. februar
Tú skalt einki siga
91557
Leygardag 23. februar
Morgunlestur leygardagur 23. februar 2019
90860
Nýggjastu sendingar í SV
Leygardag 23. februar
Hondbóltur: Neistin - Kyndil
91573
Leygardag 23. februar
Hondbóltur: VíF - Kyndil
91572
Leygardag 23. februar
Mitt í náttúruni (9:9)
90125
Fríggjadag 22. februar
Lyst 28
91497
Fríggjadag 22. februar
Vinnulívsmenn kjakast um fiskivinnu
91538