Atlansflog verri úrslit í 2017

12.04.2018 - 15:55
AktueltVinna
Atlansflog verri úrslit í 2017
Úrslitið hjá Atlantsflogi í fjør var bara 3,3 milliónir krónur eftir skatt, og tað eru umleið 25 milliónir krónur minni enn í 2016.
 
 

Kappingin við SAS rakar nú pengakassan hjá Atlantslogi. Aðalfundur var í Atlantsflogi í dag.

Nevndin sigur, at nýggja kappingarstøðan hevði neiliga ávirkan á raksturin hjá felagnum í fjør, m.a. tí at ferðaseðlaprísirnir eru lækkaðir.

Tó høvdu meiri leiguflúgving og sølan av seinasta flogfarinum, sum felagið nýtti, áðrenn farið var at nýta Airbus-flogfør burturav, jaliga ávirkan á úrslitið.

Minni ferðafólk og minni inntøkur

280.000 ferðafólk flugu við Atlanstflogi í fjør, og tað er 1% minni enn árið fyri. 

Talið á teimum, sum komu og fóru um flogvøllin, vaks 17% í fjør.

Inntøkurnar hjá Atlantsflogi minkaðu úr 524 niður í 515 milliónir krónur í 2017. Gjaldførið vaks níggju milliónir, upp í 139 milliónir krónur.

Atlantsflog sigur, at stundvísið er nógv batnað. Í 87% av øllum fráferðum varð flogið rættstundis, og tá er seinkingin minni enn 15 minuttir.

RNP-skipanin hevur havt við sær, at stundvísið er batnað 12% seinastu fýra árini. 

Nýtt flogfar og nýtt hotell

Útboðið av ferðaseðlum hevur ongantíð verið størri enn nú, og tað fer eisini at vaksa, tá Atlantsflog næsta ár fær eitt nýtt Airbus 20neo í flotan. 

Hetta flogfarið tekur 174 ferðafólk. Tað brúkar minni olju og hevur minni CO2-útlát enn verandi Airbus-flogfør.

Atlantsflog og LÌV fara at byggja gistingarhús í Havn. Gistingarhúsið fer at hava 130 kømur, og tað skal eftir ætlan takast í nýtslu fyrra hálvár í 2020. 

Á aðalfundinum í dag varð øll nevndin í Atlantsflogi afturvald, og Niels Mortensen heldur fram sum nevndarformaður. 

Nýggjastu sendingar í ÚV
Sunnudag 17. februar
Credo: Pápin fórst við Hans Hedtoft
91249
Leygardag 16. februar
Teir fyrstu um Atlantshavið
91094
Leygardag 16. februar
Leygardagur 16. Februar 2019
91306
Leygardag 16. februar
Also: Ikki uppfinna trupulleikar
91300
Nýggjastu sendingar í SV
Leygardag 16. februar
Mitt í náttúruni (8:9)
90208
Fríggjadag 15. februar
Lyst 27
91270
Hósdag 14. februar
Stella Polaris 2019
91229
Hósdag 14. februar
Stella Polaris
91224
Mikudag 13. februar
Landafrøðingurin og testamentið (3:8)
90632