Fleyr og ÍF nærkast FM

12.04.2018 - 22:16
ÍtrótturFlogbóltur
Fleyr og ÍF nærkast FM
Fleyr og ÍF vunnu fyrru FM-finalurnar
 

Kvinnurnar hjá Fleyr og menninir hjá ÍF hava nú aðra hondina á FM-steypinum.

Fyrru FM-finalurnar vórðu avgreiddar í høllini á Hálsi í kvøld.

Stórur munur

Í kvinnufinaluni millum Fleyr og KÍF tóktist ongantíð nakar ivi vera um, hvør fór at vinna dystin. Fleyr var munandi sterkari í mest sum øllum. 

Fyrsta settið, sum Fleyr vann 25-17, var tað javnasta. Men so bleiv munurin sera sjónligur.

Fleyr vann annað settið 25-12 og síðani vunnu tær triðja settið 25-11.

Spennandi mansfinala

Hjá monnunum bleiv tað sera spennandi millum ÍF og Mjølnir.

ÍF vann tey bæði fyrstu settini 25-20 og 25-18. 

Men so svaraði Mjølnir aftur og vann bæði triðja og fjórða sett 25-20.

Í fimta og avgerandi setti byrjaði ÍF sera væl og vann sær eina 9-0 leiðslu.

Stóra leiðslan frá byrjan syrgdi eisini fyri sigrinum. ÍF vann 15-12, og sostatt vunnu fuglfirðingar dystin 3-2.

Alt verður avgjørt leygardagin

Seinnu FM-finalurnar verða spældar leygardagin. Byrjað verður klokkan 13.30, tá kvinnufinalan er á skránni. Menninir byrja klokkan 16.00.

Skuldi eitt av tapandi liðunum í kvøld vunnið leygardagin, verður føroyameistaraheitið avgjørt við einum gullsetti.

Kringvarpið fer eisini at stroyma finalurnar leygardagin. Vit byrja klokkan 13.20.

Dystirnir, sum vóru spældir í kvøld kunnu síggjast her

Myndir: Flogbóltssambandið

 
Nýggjastu sendingar í ÚV
Mánadag 22. apríl
Tretivu ár síðan oyggjaleikirnar
93309
Mánadag 22. apríl
Hin miskunnsami samariubúgvin
93342
Mánadag 22. apríl
Guðstænasta í Hoyvíkar kirkju
93730
Sunnudag 21. apríl
Tónaskaldið Jógvan Telling
93308
Sunnudag 21. apríl
Bolero páskadag 2019
93714
Nýggjastu sendingar í SV
Mikudag 24. apríl
25 minuttir: Andrias Høgenni
93252
Sunnudag 21. apríl
Ein stór løta
93495
Sunnudag 21. apríl
Andaktin
93717
Sunnudag 21. apríl
Guðstænasta úr Glyvra kirkju
93718
Sunnudag 21. apríl
Flogbóltur: Mjølnir - Fleyr, mansfinala
93706