Føroyar møta Danmark

12.04.2018 - 18:56
ÍtrótturHondbóltur
Føroyar møta Danmark
Hósdagin 12. apríl, var lutakast til EM-undankappingina hjá monnum. Føroyar endaði millum annað í bólki saman við Danmark
 
 

Hósdagin 12. apríl, var lutakast til EM-undankappingina hjá monnum. Føroyar endaði í bólki 8 saman við Danmark, Ukraina og Montenegro.  

Á danska landsliðnum spæla millum annað Mikkel Hansen, Nicklas Landin og Hans Lindberg, ið roknast sum nakrir av heimsins bestu á sínum plássum. Sostatt er tað ein møguleiki, at hesar hondbóltsstjørnurnar eisini fara at renna á gula hondbóltsgólvinum í Høllini á Hálsi um ikki so langa tíð. 

Hondbóltssambandið sigur tó, at Høllin í Hálsi lýkur ikki krøvini til altjóða kappingar. Tað gera ongar hallir í Føroyum. Tískil er tað møguligt, at føroysku heimadystirnir mugu spælast uttanlands - til dømis í Danmark. Forkvinnan í Hondbóltssambandinum, Gunn Ellefsen, vitjaði sjónvarpsstovuna, og tú kanst hoyra hana greiða nærri frá støðuni í leinkjuni niðanfyri.

SÍ EISINI: Sleppa ikki at spæla ímóti Mikkel Hansen í Føroyum

Lutakastið varð í Tróndheimi í Norra, har EM-endaspælið millum annað eisini verður. Fyri fyrstu ferð verður EM-endaspælið spælt í trimum londum: Svøríki, Eysturríki og Norra. Hesi londini eru øll beinleiðis víðari til endaspælið.

Tilsamans vórðu 32 lond býtt í átta bólkar við fýra londum í hvørjum bólki. 

Føroyar eru sum sagt í bólki við trimum øðrum liðum, og verða undankappingardystirnir spældir í umførum: 

1. og 2. umfar: mikudagin 24. til og við sunnudagin 28. oktober 2018

3. og 4. umfar: mikudagin 10. til og við sunnudagin 14. apríl 2019

5. og 6. umfar: mikudagin 12. til og við sunnudagin 16. juni 2019

Eftir hesi seks umfør hava 20 lið spælt seg víðari til endaspælið, sum verður i Svøríki, Eysturíki og Norra tann 10 - 26 januar 2020.

Bólkarnir eru hesir

Bólkur Luttakarar
1 Ísrael, Polen, Týskland, Kosovo
2 Sveits, Serbia, Kroatia, Belgia
3 Turkaland, Ísland, Makedonia, Grikkaland
4 Latvia, Holland, Slovenia, Estland
5 Bosnia Hersegovina, Tjekkia, Hvítarussland, Finland
6 Litava, Portugal, Frakland, Rumenia
7 Slovakia, Russland, Ungarn, Italia
8 Ukraina, Montenegro, Danmark, Føroyar

 

Nýggjastu sendingar í ÚV
Hósdag 13. desember
Morgunlestur hósdagur 13. desember 2018
88453
Mikudag 12. desember
Valstríð og grundgevingar
88868
Mikudag 12. desember
Jóngerð Midjord er gestur í Dansivali
88855
Mikudag 12. desember
Mono 12 des 2018
88849
Mikudag 12. desember
Leygardagur 08.12.18
88848
Nýggjastu sendingar í SV
Hósdag 13. desember
Kari-Anne í Røst (6:6)
87893
Sunnudag 9. desember
Andaktin
88722
Sunnudag 9. desember
Møti úr Betesda í Klaksvík
88713
Leygardag 8. desember
Hvat bagir? (6:8)
87235
Fríggjadag 7. desember
Lyst 24
88747