Meiriluti fyri pensjónsnýskipanini

bannari
12.04.2018 - 12:45
AktueltPolitikkur
Meiriluti fyri pensjónsnýskipanini
Pensjónsnýskipanin hjá landsstýrinum er bjargað. Bæði Kristin Michelsen og Sonja Jógvansdóttir taka undir við pensjónsnýskipanini
 

Pensjónsnýskipaninin er bjargað og komin undir land. Kristin Michelsen í Fíggjarnevndini og Sonja Jógvansdóttir í Trivnaðarnevndini taka undir við pensjónsnýskipanini. Tað ger samgongan í Fíggjarnevndini og Trivnaðarnevndini eisini. 

Álitini úr teimum báðum nevndunum komu í gjár. Meirilutarnir í nevndunum mæla tó til at hækka inntøkuna, sum skal mótroknast í pensjónini, úr 45.000 kr. upp í 60.000 kr. 

Broytingaruppskotið hjá teimum er, at grundupphæddin fyri fólkapensjónistar, føddir eftir 31.desember 1952, verður mótrokningarfrí í aðrari árligari inntøku upp til 60.000 kr.

Hetta fer, siga tey, at kosta 2,1 milliónir fyrsta árið, tað er 2020, og fimm milliónir krónur í 2030.

Men tað er fyrimunur hjá teimum, sum hava lítla inntøku, siga meirilutarnir.

Andstøðufólkini í Fíggjarnevndini og í Trivnaðarnevndini mæla tinginum frá at samtykkja fimm uppskot um pensjónsnýskipanina, men tí sætta kann andstøðan í Trivnaðanevndini taka undir við, um nakrar grundleggjandi broytingar verða gjørdar í tí.

Hetta er uppskotið um sjálva fólkapensjónina.

Minnilutin, tað er andstøðan í Trivnaðarnevndini, tekur ikki undir við, at pensjónsaldurin hækkar og grundupphæddin og viðbótin í fólkapensjónini lækka. 

Minnilutin sigur eisini, at tað eigur at bera til at søkja um framskundaða pensjón, tá fólk eru fylt 62 ár. 

 
Nýggjastu sendingar í ÚV
Hósdag 2. juli
Kvørnin: "Voodoo Pop, Son of Fortune
110939
Hósdag 2. juli
Nón 2. juli 2020
110934
Hósdag 2. juli
Helvtin av børnunum fór ella fóru
110930
Hósdag 2. juli
Ein táttur er silvur 1.partur
110923
Hósdag 2. juli
Góðan morgun Føroyar 02.07.2020
110918
Nýggjastu sendingar í SV
Hósdag 2. juli
Úr savninum: Havið ímillum 2:2
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743