Mismunur á arbeiðsmarknaðinum skjótt forboðin

12.04.2018 - 11:08
AktueltPolitikkur
Mismunur á arbeiðsmarknaðinum skjótt forboðin
Samgongan og Kristin Michelsen taka undir við Sonju Jógvansdóttur, sum legði fram uppskot um lóg um at banna mismun á arbeiðsmarknaðinum
 

Mismunur verður skjótt forboðin á arbeiðsmarknaðinum í Føroyum.

Samgongan og Kristin Michelsen taka undir við Sonju Jógvansdóttur, uttanflokkatingkvinnu, sum í oktober í fjør legði fram uppskot um lóg um at banna mismuni og at tryggja javnviðgerð á arbeiðsmarknaðinum.

Rættarnevndin hevur havt málið síðani 25. oktober og hevur nú skrivað álit um tað. Nevndin viðgjørdi uppskotið á átta fundum. 

Meirilutin í Rættarnevndini heldur, at lógin er eitt frambrot og kann virka fyribyrgjandi. 

Eisini fegnast meirilutin um, at fólk, sum bera brek og hava kroniskar sjúkur, fáa betri amboð at verða verandi á arbeiðsmarknaðinum. 

Meirilutin vísir eisini á, at eftir trimum árum skal ein óheft frágreiðing gerast, sum eftirmetir lógina. 

Minnilutin í Rættarnevndini mælir løgtinginum frá at samtykkja uppskotið. Minnilutin heldur ikki, at lógaruppskotið er nóg gjøgnumarbeitt og fullfíggjað.

Landsstýrismaðurin í arbeiðsmarknaðarmálum eigur saman við pørtunum á arbeiðsmarknaðinum at gera tílíkt lógaruppskot, sigur minnilutin, andstøðan, í rættarnevndini.

Endamálið við lógini er at banna mismuni á arbeiðsmarknaðinum vegna rasu, húðarlit, átrúnað ella trúgv, politiska áskoðan, kyn, kynsligan samleika, kynsliga sannføring, aldur, brek ella tjóðskaparligun, sosialan ella fólkaeyðkenniligan uppruna.

Sambært lógaruppskotinum merkir javnviðgerð, at beinleiðis ella óbeinleiðis mismunur ikki skal gerast á løntakarum, serliga skal hugsast um barnsburð og familjustøðu annars.

 
Nýggjastu sendingar í ÚV
Hósdag 26. november
Morgunlestur hósdagur 26.november 2020
116531
Mikudag 25. november
Breddin
116774
Mikudag 25. november
Nón 25. november 2020
116767
Mikudag 25. november
Góðan morgun Føroyar
116746
Mikudag 25. november
Tempo - 241120
116740
Nýggjastu sendingar í SV
Týsdag 24. november
Atlantshavið 3:3 - Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620
Sunnudag 22. november
Møti úr Leirvíkar Missiónshúsi
116617