Vardir bústaðir til børn og ung við autismu

12.04.2018 - 16:05
AktueltPolitikkur
Vardir bústaðir til børn og ung við autismu
Samgonguflokkarnir og Miðflokkurin í fíggjarnevndini taka undir við uppskotinum, um at byggja vardar bústaðir í Havn til børn og ung við autismu
 
 

Samgonguflokkarnir og Miðflokkurin í fíggjarnevndini taka undir við uppskotinum hjá Eyðgunn Samuelsen, landsstýriskvinnu, um at byggja vardar bústaðir og búheim og umlættingarheim í Havn til børn og ung við autismu.

Umboðini hjá Sambandsflokkinum og Fólkaflokkinum í fíggjarnevndini taka støðu í tingsalinum. 

Trý ymisk lógaruppskot

Talan er um tveir vardar bústaðir til fólk við menningartarni, sum fara at hava umleið 36 búpláss. Sambært uppskotinum skulu hesir bústaðirnar kosta í mesta lagi 58 milliónir krónur.

Búheimið og umlættingarheimið til børn og ung við autismu skal hava seks búpláss og seks umlættingarpláss umframt eitt dagtilboð til umleið 15 børn og ung. Byggikostnaðurin kann í mesta lagi vera 29 milliónir krónur. 

Fíggjarnevndin viðger eisini eitt uppskot um at byggja nýtt barnaheim í Havn, men álitið í tí málinum er ikki lagt fram enn.

Hesi trý lógaruppskotini eru liður í samlaðu íløguætlanini hjá landsstýriskvinnuni í almannamálum frá 2017 til 2022, um at fáa til vega betri og tíðarhóskandi bústaðir til fólk við serligum tørvi. 

Væntandi liðug í 2022

Landsstýrið hevur sett tilsamans 200 milliónir krónur av til endamálið.

Gongst sum ætlað, skulu allar tríggjar verkætlanirnar verða lidnar í 2022.

Tann fyrsta, sum er búheim og umlættingarheim til børn og ung við autismu, verður væntandi liðug í 2021. 

Nýggjastu sendingar í ÚV
Fríggjadag 22. mars
Morgunlestur fríggjadagur 22. mars 2019
91110
Fríggjadag 22. mars
Tema: Minnissending um Tom Petty 1950-2017
92575
Hósdag 21. mars
Nón - hósdagur 21.03.19
92559
Hósdag 21. mars
Góðan morgun Føroyar 21. mars 2019
92535
Hósdag 21. mars
Leitisstein 15.03.2019 (Lena 2)
92530
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Hósdag 21. mars
Ítróttarportrett: Hallur Hansson
92551
Mikudag 20. mars
Minnist tú enn? (3:13)
16392