- Fær álvarsligar avleiðingar fyri allan heimin

16.04.2018 - 10:05
AktueltÚtheimurin
- Fær álvarsligar avleiðingar fyri allan heimin
Fer vesturheimurin aftur at søkja at málum í Sýria, fær tað álvarsligar avleiðingar fyri allan heimin. Tað sigur russiski forsetin, Vladimir Putin
 
 

Hann hevur tosað við iranska forsetan, Hassan Rouhani, og teir eru samdir um, at álopið leygarnáttina hevur skatt møguleikarnar fyri eini samtytkt um stríðið í Sýria, sum nú hevur vart í sjey ár.

At USA, Bretland og Frakland søktu at trimum málum í Damaskus og Homs, er í stríð við ST samtyktir, stendur í boðunum úr Moskva.

Amerikanski ST sendiharrin, Nikki Haley, segði í trygdarráðnum hjá ST í gjár, at vesturheimurin er til reiðar at søkja at fleiri málum í Sýria, um landið nýtir eiturvápn ímóti fólkinum.

Tað var Russland, sum hevði kallað trygdarráðið saman, men landið fekk ikki undirtøku fyri at fordøma álopið.

Nú sigur amerikanski ST sendiharrin, at tilknýtið sum Russland hevur til sýriska forsetan, Bashar al Assad, fer at fáa fylgjur. Eisini sigur hon, at USA fer at seta tiltøk í verk ímóti Russlandi - serliga tí partinum av virkseminum sum landið hevur í Sýria, og at landið hjálpir Assad forseta, m.a. við eiturvápnum.

Nikki Haley segði eisini, at amerikanski fíggjarmálaráðharrin, Steven Mnuchin, fer at almannakunngera tiltøkini í dag.

- Russland er til reiðar at taka ímóti amerikonsku revsingini, sigur formaðurin í russisku verjunevndini, Evgeny Seerebrennikov.

- Tað verður torført, men tiltøkini fara at hava størri ávirkan á USA og Evropa, sigur hann.

Nýggjastu sendingar í ÚV
Sunnudag 23. september
Meg minnist: Jákup Mikal Mikkelsen (2:2)
85431
Sunnudag 23. september
Guðstænasta í Haldórsvíkar kirkju
85660
Sunnudag 23. september
Einsamallur úti á opnum havi
85609
Leygardag 22. september
Morgunlestur leygardagur 22. september 2018
85416
Fríggjadag 21. september
Pressan: Politiskur journalistikkur
85610
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382