Vilja hava skipaða frítíð

17.04.2018 - 11:17
AktueltSamfelag
Vilja hava skipaða frítíð
Flogskipararnir vrakaðu í gjárkvøldið semingsuppskotið, tí eingi av krøvum teirra vórðu góðtikin, sigur formaðurin í flogskiparafelagnum
 
 

Flogskiparafelagið hevur onga viðmerking í løtuni um eitt møguligt verkfall hjá limunum í felagnum.

Flogskiparnir vrakaðu í gjárkvøldið semingsuppskotið, sum varð lagt fyri partarnar mánanáttina. Tað gjørdu teir, tí eingi av krøvum teirra vórðu góðtikin í uppskotinum, sigur Johan Vágadal, formaður í flogskiparafelagnum. 

Til reiðar at semjast

Hann sigur, at felagið er altíð til reiðar at fara aftur til samráðingar, um mótparturin tekur krøvini hjá flogskiparafelagnum í álvara.

Arbeiðsgevarafelagið góðtók semingsuppskotið. Semingsstovnurin er nú givin at royna at finna semja um nýggjan sáttmála.

Feløgini hava 14 daga freist at boða frá arbeiðsteðgi. Ein møguligur arbeiðssteðgur kann tí í fyrsta lagi byrja mikudagin 2. mai.

Vilja hava skipaða frítíð

Johan Vágadal sigur, at flogskipararnir krevja ikki lønarhækking, men fyrst og fremst betri arbeiðsumstøður - so sum skipaða frítíð. 

Eitt semingsuppskot varð lagt fyri partarnir mánanáttina. Teir skuldu svara í gjárkvøldið klokkan tíggju.

Hóast flogskipararnir vrakaðu semingsuppskotið, royndi Semingsstovnurin í nakrar tímar eftir klokkan tíggju í gjárkvøldið at fáa semju í lag, men tað varð uttan úrslit.   

Ongar viðmerkingar frá Atlantsflog

Sáttmálin millum Flogskiparafelagið og Føroya Arbeiðsgevarafelag fór úr gildi á midnátt fríggjakvøldið. Partarnir hava í fyrsta umfari longt sáttmálan til á midnátt í kvøld.

Jóhanna á Bergi, stjóri í Atlantic Airways, hevur onga viðmerking so leingi, sáttmálin er í gildi. Tað er hann til á midnátt í kvøld. 

Sáttmálin er ikki galdandi fyri tyrlurnar hjá Atlantic Airways. Teir, sum flúgva tær, hava ein annan sáttmála enn tey, sum flúgva flogførini. 

Nýggjastu sendingar í ÚV
Mánadag 21. januar
Norðurljóð 21.januar 2019
90233
Mánadag 21. januar
Góðan morgun Føroyar 210119
90219
Mánadag 21. januar
Sunnudagstónar 20. januar 2019
90218
Mánadag 21. januar
Arnfinnur Bjarkhamar gestur í Dansivali
90197
Sunnudag 20. januar
Bolero 20. jan. 2019
90188
Nýggjastu sendingar í SV
Mánadag 21. januar
3-2
90238
Mánadag 21. januar
Heimleys á Instagram (1:2)
90207
Mánadag 21. januar
Heimleys á Instagram (2:2)
90209
Mánadag 21. januar
Hugo og Helmig (3:4)
89913
Mánadag 21. januar
Bella loggar inn (2:7)
90072