Macron eldhugaða røðu um fólkaræði

17.04.2018 - 15:26
AktueltÚtheimurin
Macron eldhugaða røðu um fólkaræði
- Eg vil ikki vera partur av einum ættarliði av svøvngangarum, segði franski forsetin í eldhugaðari røðu um fólkaræði í Evropaparlamentinum
 
 

- Eg vil ikki vera partur av einum ættarliði av svøvngangarum.

M.a. hetta segði franski forsetin, Emmanuel Macron í eldhugaðari røðu í Evropaparlamentinum í dag, har hann eggjaði parlamentslimunum til at endurnýggja lyftið um at stríðast fyri og verja europeiskt fólkaræði, sum franski forsetin heldur er undir trýsti av autoriterum ráki.

Hann minti tinglimirnar á, at hugsjónin um europeiska samstarvið vaks burtur úr øðrum heimskríggi

- So valið er einfalt. Eg vil ikki vera partur av einum ættarliði av svøvngangarum, sum hevur gloymt sína fortíð. Eg vil ikki vera partur av einum ættarliði, sum noktar at viðurkenna plágurnar í egnari samtíð. Hvør einstakur fer at taka ábyrgd. Eg vil vera partur av einum ættarliði, sum hevur valt at verja sítt fólkaræði, segði Emmanuel Macron við evropeisku tinglimirnar.

Vil hava veljaran at taka ES í álvara

Franski forsetin hevur sett sær fyri at fáa veljararnar at taka ES í álvara aftur. Í røðu síni fordømdi hann, at fólk í Evropa verða bergtikin av tí illiberala, sum hann kallaði tað.

- Fólkaræði er eitt orð, sum hevur meining, og sum er sprottið úr fortíðarinnar stríði, segði hann.

Í fjør vann Emmanuel Macron franska forsetavalið við nýggja liberala flokki sínum La République en Marche, sum hevur ein sterkan ES-vinarligan profil. Mótstøðukvinnan undir seinna umfarinum av valinum var Marine Le Pen, forkvinna í Front National, sum er nationalistiskur flokkur og sera atfinningarsamur móti ES.

Røðan hjá Macron í Strasbourg í dag snúði seg um hansara visjón um fólkaræðiliga endurnýggjan av ES, nú nationalisma er vaksandi í ES-londunum.

Ein stór avbjóðing fyri Emmanuel Macron er, at hansara flokkur ikki hoyrir til nakran av høvuðsbólkunum í ES-parlamentinum, sum skal veljast av nýggjum næsta ár. 

Nýggjastu sendingar í ÚV
Fríggjadag 19. oktober
Morgunlestur fríggjadagur 19.oktober 2018
86025
Hósdag 18. oktober
Morgunlestur hósdagur 18.oktober 2018
86024
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Nýggjastu sendingar í SV
Hósdag 18. oktober
Ongin dagur uttan pínu
86574
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405