Tónleikarar fingu 3 milliónir krónur frá KODA

17.04.2018 - 11:11
MentanTónleikur
Tónleikarar fingu 3 milliónir krónur frá KODA
471 føroyskir tónasmiðir, sum búgva í Føroyum, fingu tilsamans slakar 3 milliónir krónur frá KODA í fjør. Tað eru 828 rættindahavarar í Førouyum.
Mynd: © KODA.dk  
 
 

471 føroyskir tónasmiðir, sum búgva í Føroyum, fingu tilsamans slakar 3 milliónir kr frá KODA í fjør. Tað eru 828 rættindahavarar í Førouyum. Tað sæst í uppgerðini, sum KODA hevur gjørt fyri 2017.

Umsetningurin í Føroyum var slakar 4,8 milliónir krónur. 1,9 milliónir krónur eru frá útvarpi og sjónvarpi, slakar 1,3 milliónir stava frá útbreiðslu av sjónvarpi, slakar 800.000 krónur komu frá konsertum og 840.000 krónur vóru frá bakgrundstónleiki.

Umleið 600.000 krónur fóru til umsiting, 10 % skulu í KODA-Føroyar Grunnin og 4 % fóru til frumframførslur.

KODA-Føroyar Grunnurin hevði 370.000 krónur at býta út til ymiskt virksemi, tað vóru pengar frá KODA í 2016. Fyri 2017 var tann upphæddin góðar 30.000 krónur hægri, og teir pengarnir verða býttir út í ár.

Úr KODA-Føroyar Grunninum fingu 16 rættindahavarar 50.000 krónur í stuðli til konsertir, og 34 konsertir fingu 258.000 krónur í stuðuli.

Tað er nevndin í felagnum Føroysk Tónaskøld, sum býtir pengarnar úr KODA-Føroyar Grunninum.

Tilsamans fingu 65 tiltøk stuðul úr KODA-Føroyar Grunninum í fjør - alt frá festivalum, konsertum og til tónasmíð.
 

Sí eisini

Nýggjastu sendingar í ÚV
Mánadag 18. mars
Við Tórði á túri til rokútróður
92432
Mánadag 18. mars
Norðurljóð 18.mars 2019
92284
Mánadag 18. mars
Góðan morgun Føroyar 180319
92414
Mánadag 18. mars
Morgunlestur mánadagur 18. mars 2019
91106
Nýggjastu sendingar í SV
Mikudag 20. mars
25 minuttir: Jóna Joensen
92340
Mánadag 18. mars
Afturlit við A-landsliðnum
92429
Mánadag 18. mars
Kappingin harðnar
92426
Mánadag 18. mars
HF Hulda setti met
92427