Íløgur kostaðu 198 milliónir

Íløgur kostaðu 198 milliónir
Tórshavnar kommuna brúkti tilsamans 198 milliónir krónur til íløgur í 2017
 
25.04.2018 - 13:20

Nógv virksemi var í Tórshavnar kommunu í 2017, og tilsamans 198 milliónir króur blivu brúktar til íløgur.

Nýttar vóru 67,5 milliónir krónur til Skúlan á Fløtum. Aðrar 21,2 milliónir krónur fóru til Musikkskúlan, og 1 millión fór til at gera Dagstovninum í Kollafirði lidnan.

Tilsamans 57,6 milliónir krónur blivu nýttar til ítróttarøkið. Til høllina á Hálsi blivu brúktar 29,7 milliónir krónur, og hallarútbyggingin í skúlanum á Argjahamri kostaði kommununi 12,3 milliónir krónur. Íløgur vóru eisini gjørdar í eitt nú fótbóltsvøllin í Hoyvík og rusjibanan í Svimjihøllini.

Kommunan varð fríðkað fyri 11,3 milliónir krónur. Nýttar vóru 6,1 milliónir krónur til økið uttan um Finsen, og aðrar 3 milliónir krónur fóru til onnur fríøki.

Kirkjugarðarnir blivu raðfestir við 11,7 milliónum krónum Nýttar vóru 3,1 milliónir krónur til Velbastaðvegin og 8,6 milliónir krónur til kirkjugarðin í Hoyvík.

Tað blivu brúktar 7,6 milliónir krónur til kloakkir, 4,4 milliónir krónur til skrottpressu og 10,9 milliónir krónur til vegir. Íløgur vóru eisini gjørdar í byggibúning.

Tórshavnar havn hevur í 2017 gjørt íløgur fyri 75 milliónir krónur. 

Úrslitið aftaná íløgur er 52 milliónir krónur.

Íløgur at flyta fram eru 323 milliónir krónur. Tórshavnar kommuna framflytur íløgur fyri 78,9 milliónir krónur. Fyri Tórshavnar Havn er framflytingin 244 milliónir krónur til íløgur.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585