Fýra feløg keyptu á svartkjaftauppboðssølu

bannari
26.04.2018 - 16:37
AktueltVinna
Fýra feløg keyptu á svartkjaftauppboðssølu
Fýra feløg keyptu tey 25.000 tonsini av svartkjaftakvotu, sum vórðu seld á opnari uppboðssølu seinnapartin
 

Opin uppboðssøla merkir sambært uppboðssølukunngerðini at øll, sum bjóða, síggja allar upphæddir, ið bodnar verða. Bjóðað verður, til ongin bjóðar yvir, og hægsta boð fær so útbodnu nøgdina.

Varðin í Gøtu keypti rættin at veiða 10.000 tons av svartkjafti. Miðalprísurin var 40 oyru/kilo.

Næraberg keypti 5000 tons og partafelagið Christian í Grótinum keypti 2000 tons. Í báðum sølum var Miðalprísurin eisini 40 oyru/kilo.

Partafelagið Jókin keypti rættin at veiða 8000 tons av svartkjafti, og her var miðalprísurin 37 oyru/kilo.

Tilsamans vórðu tey 25.000 tonsini av svartkjafti tí seld fyri 9,72 milliónir krónur.

Á hesi fyrstu uppboðssøluni er bara talan um eitt ára rættindi.

Uppboðssølukunngerðin leggur upp til, at á komandi uppboðssølum verða eisini seld trý ára og átta ára rættindi. 

Tað er Fiskamarknaður Føroya, sum stendur fyri opnu uppboðssølunum.

Næsta uppboðssølan verður mikudagin í næstu viku, tá verða 25.000 tons av svartkjafti seld afturat.
 

 
Nýggjastu sendingar í ÚV
Leygardag 20. apríl
Morgunlestur leygardagur 20. apríl 2019
93392
Fríggjadag 19. apríl
Rómi og ross løgdu støðið (2:2)
93585
Fríggjadag 19. apríl
Guðstænasta úr Vesturkirkjuni
93674
Hósdag 18. apríl
Rómi og ross løgdu støðið (1:2)
93584
Nýggjastu sendingar í SV
Mikudag 24. apríl
25 minuttir: Andrias Høgenni
93252
Fríggjadag 19. apríl
Flogbóltur: Mjølnir - Fleyr, mansfinala
93685
Fríggjadag 19. apríl
Andakt við Bergtóri Hjelm Bjarkhamar
93684
Fríggjadag 19. apríl
Hondbóltur: H71 - Neistin, 3 finalan
93682
Fríggjadag 19. apríl
Guðstænasta úr Vestmanna kirkju
93686