- Tíðindi, mentan og ítróttur
Rakettálop í Sýria
Sýriski mannarættindafelagsskapurin, SOHR, upplýsir, at 26 hermenn hjá sýrisku stjórnini eru dripnir. Flestu teirra er iranar, tó eru fýra sýrar eisini dripnir.
SOHR hevur eftirlit við støðuni í Sýria gjøgnum keldu-netverk í landinum.
Iran eins og Russland stuðlar stríðnum hjá sýriska forsetanum, Bashar al Assad, móti uppreistrardeildum.
Enn hevur eingin tikið ábyrgd fyri álopunum.
Ísraelski fjølmiðilini, Haaretz, skrivar, at miðlar hjá sýrisku uppreistrardeildunum leggja Ísrael undir at hava skipað fyri álopunum.
Sýriska blaðið, Tishreen, endurgevur óváttaðar upplýsingar um, at rakettirnar eru skotnar frá eini herstøð í Jordan, sum USA og Bretland reka.
SOHR skrivar, at amerikanski forsetin, Donald Trump, og ísraelski forsætisráðharrin, Benjamin Netanyahu, fáar tímar undan álopunum umrøddu iranska virksemið í økinum, sum elvir til ófrið.
Í gjár segði ísraelski verjumálráðharrin, Avigdor Lieberman, at Ísrael uttan at ivast hevði brúkt stóra hermegi um nakar hevði lopið á landið.
- Vit hava ongar æltanir um at leypa á Russland og leggja okkum út í innanhýsis sýrisk viðurskifti. Men um nakar heldur, at tey kunnu skjóta rakettir ella leypa á Ísrael ella okkara flogfør, so svara vit aftur, og okkara svar verður ógvusligt, segði hann, sambært Haaretz.
Á Twitter hava brúkara lagt filmsbrot frá álopinum:
Wow! Video of a huge explosion just now in #Salhab in #Hama, reasons still unknown pic.twitter.com/AfWYRAzosT
— Danny Makki (@Dannymakkisyria) April 29, 2018