Vilja hava frælst internet

Vilja hava frælst internet
Mótmælistiltak var í miðbýnum í Moskva í gjár, har 10.000 fólk - teirra millum andstøðuleiðaran, Aleksej Navalnyj, kravdu frælsi á internetinum
Fleiri túsund fólk savnaðust á gøtum í Moskva í mótmælisgongu. Fólkini krevja frælst internet.
Mynd: Tatyana Makeyeva / Reuters  
 
01.05.2018 - 08:36

Umleið 10-túsund fólk mótmæltu í Moskva, tí tey vilja hava frælsi á internetinum. Mótmælini vóru í fyrstu atløgu vend móti avgerðini hjá myndugleikunum um at stongja vælumtóktu appina til snarboð - Telegram. Tað skrivar AP.

Telegram hevur noktað trygdartænastuni, FSB, at fáa lykilin til bronglaðar upplýsingar. Fyri nøkrum vikum síðani avgjørdi ein dómstólur, at appin var í stríð við russiska lóggávu og tí skuldi stongjast.

Mótmælistiltakið í miðbýnum í Moskva í gjár savnaði 10.000 fólk. Teirra millum andstøðuleiðaran, Aleksej Navalnyj.

Undir mótmælistiltakinum vóru røddir frammi, sum kravdu, at Putin forseti skal leggja frá sær. Nøkur lýstu Putin sum ein tjóv, og onnur mæltu fólki til at bróta tøgnina.

Navalnyj heitti á mótmælisfólkini um at stríðast ímóti myndugleikunum, sum hann segði vera svikafullar og tjóvar.

Andsstøðan brúkar ofta Telegram-appina, tá mótmælistiltøk skulu skipast og til politiskar fráboðanir.

Telegram-appin er 9. best umtókta appin í heiminum.

Appin er eisini bannað í Iran. Tað er fyri at verja trygd og frið í tjóðini, segði iranska sjónvarpið í gjár, sambært BBC.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585