Stuðul til vinnuna sum vil menna ferðavinnuna

02.05.2018 - 12:52
AktueltVinna
Stuðul til vinnuna sum vil menna ferðavinnuna
Nýggj kunngerð um studning úr landskassanum á veg. Er til hoyringar í løtuni
Visit Faroe Islands skal umsita nýggu kunngerðina um studning.
 
 

Vinnumálaráðið fer nú at lata stuðul til ferðavinnumenning.

Uppskot um kunngerð um stuðul til ferðavinnumenning er sent til hoyringar.

Kunngerðin hevur heimild í lógini um P/F Visit Faroe Islands.

Hon skal skipa tann partin av stuðlinum, sum kann verða latin til vinnuligar verkætlanir í ferðavinnuni. 

Talan er um eina krónu-fyri-krónu stuðulsskipan. 

Tað merkir, at umsøkjarin sum meginreglu skal tryggja sær í minsta lagi helmingin av fíggingini frá øðrum pørtum. 

Endamálið við kunngerðini er at tryggja neyvari reglur og eina gjøgnumskygda skipan fyri tann partin av stuðlinum, sum Visit Faroe Islands ikki stýrir beinleiðis, sigur Vinnumálaráðið.

Sambært uppskotinum um kunngerðina, skal P/f Visit Faroe Islands hvørt ár gera eina ætlan um ferðavinnumenning, sum landsstýrismaðurin í vinnumálum skal góðkenna.

Umsóknir um stuðul til ferðavinnumenning skulu hava eina verkætlanarlýsing og eina fíggjarætlan. 
 

Nýggjastu sendingar í ÚV
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Mánadag 25. mars
Hondboltur hálvfinala: H71 - VÍF
92677
Sunnudag 24. mars
Andaktin
92675