Tríggir nýggir ráðharrar

02.05.2018 - 11:24
AktueltÚtheimurin
Tríggir nýggir ráðharrar
Lars Løkke Rasmussen, forsætisráðharri, hevur umskipað stjórnina, og Vinstriflokkurin fær tríggjar nýggjar ráðharrar.
 

Jakob Ellemann Jensen verður nýggjur umhvørvis- og matvørumálaráðharri eftir Esben Lunde Larsen, sum hevur lagt frá sær sum ráðharri. 

Hann verður kortini sitandi í fólkatinginum, tað sum er eftir av hesum valskeiðnum, men stillar ikki uppaftur.

Eva Kjær Hansen úr Vinstra verður nýggjur fiskimálaráðharri og ráðharri í norðurlendskum málum. Hon tekur við eftir Karen Ellemann, sum fer úr stjórnini, men ætlanin er, at Karen Ellemann skal verða nýggj forkvinna fyri fólkatingsmanningina hjá Vinstra.

Eva Kjær Hansen hevur verið ráðharri fyrr í hesum valskeiðnum, men hon noyddist at leggja frá sær eftir eitt stríð við konservativa flokkin um broytingar í búnaðarlógini.

Tommy Ahlers verður nýggjur útbúgvingar- og granskingarmálaráðharri eftir Søren Pind, sum gevst í politikki og í fólkatinginum. 

Tommy Ahlers er íverkseti og nýggjur í politiskum høpi, men tá Lars Løkke Rasmussen, forsætisráðharri, kunngjørdi nýggju ráðharrarnar fyrrapartin, upplýsti hann, at Tommy Ahlers fer at stilla upp fyri Vinstraflokkin á næsta fólkatingsvali. 

 
Nýggjastu sendingar í ÚV
Týsdag 18. februar
Dagsins yrking - Hinumegin vindeygað
104238
Mánadag 17. februar
Við Tórði á túri á náttarvakt
104938
Mánadag 17. februar
Norðurljóð 17.februar 2020
104937
Nýggjastu sendingar í SV
Týsdag 18. februar
Sí stuttdokumentarin: KOKS og stjørnurnar
104965
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891