Nýggj kunngerð Landsapotekarin í staðin fyri nevnd

11.05.2018 - 07:58
AktueltHeilsa
Nýggj kunngerð Landsapotekarin í staðin fyri nevnd
Tilskotsnevndin í sambandi við heilivág er tikin av
Apoteksverkið.
 
 

Tilskotsnevndin, sum tók avgerðir um stuðul til heilivág, er nú tikin av.

Nú viðger Landsapotekarin umsóknir um tilskot til heilivág, útgerð í sambandi við heilivág, kostískoyti og annað, sum
ikki er lýst at vera heimilað sambært Heilsutrygdarlógini.

Ein nýggj kunngerð er komin fyri kunngerðina frá 2010 um Tilskotsnevndina.

Nýggja kunngerðin er um einstaklingstilskot til heilivág.

Sambært kunngerðini viðger Landsapotekarin sjálvur umsóknirnar. 

Hjálp frá øðrum

Men Landsapotekarin kann útvega sær hjálp frá øðrum fakfólki, sum hevur kunnleika um heilivág og læknavísindi.

Eisini kann Landsapotekarin fáa sær allar viðkomandi upplýsingar frá myndugleikum í Føroyum og uttanlands.

Vanliga viðger Landsapotekarin umsóknirnar um stuðul til heilivág aðru hvørja viku. 

Hann kann tó eisini viðgera umsóknir eftir tørvi.

Umsóknir skulu vera liðugt viðgjørdar innan fýra vikur frá móttøku, uttan so at heilt serligar umstøður eru.

Avgerðir, sum Landsapotekarin tekur, kunnu kærast til Kærunevndina í almanna- og heilsumálum.


 

Nýggjastu sendingar í ÚV
Týsdag 19. februar
Morgunlestur týsdagur 19. februar 2019
90856
Mánadag 18. februar
Norðurljóð 18.februar 2019
91366
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Nýggjastu sendingar í SV
Mánadag 18. februar
Adam & Eva (3:8)
91271
Mánadag 18. februar
Kotan til kærleika (5:8)
90505
Mánadag 18. februar
Petra skal eiga (1:8)
91267
Mánadag 18. februar
Superheilar - Peter Lund Madsen (3:3)
91264
Mánadag 18. februar
3-2
91375