USA vil gera nýggja avtalu við Evropa

USA vil gera nýggja avtalu við Evropa
USA fer at samstarva við sínar evropeisku sameindu um eina nýggja avtalu, sum gongur ímóti skaðiliga iranska atburðinum, sum USA tekur til
Mike Pompeo, amerikanski uttanríkisráðharrin, sigur, at USA vil gera nýggja avtalu við evropeisku londini
 
14.05.2018 - 09:12

USA fer at samstarva við sínar evropeisku sameindu um eina nýggja avtalu, sum gongur ímóti skaðiliga iranska atburðinum, sum USA tekur til.

Tað sigur amerikanski uttanríkisráðharrin, Mike Pompeo, eftir at Týskland og Frakland siga seg stúra fyri, at amerikansku tiltøkini móti Iran fara at kosta arbeiðspláss í Evropa.

Pompeo sigur, at nýggja avtalan skal ikki bara fata um kjarnorkuna, men eisini rakettir. 

ES-londini gjørdu í 2015 saman við USA, Kina og Russlandi avtalu við Iran um kjarnorkuna, men nú hevur Donald Trump, forseti, boðað frá, at hann tekur USA úr avtaluni.

Harafturat hevur USA sett fleiri tiltøk í verk móti USA. 

At USA nú gongur egnar leiðir í hesum málinum, hevur fingið ilt í ES-leiðararnar. 

ES heldur, at avtalan, sum varð gjørd í 2015, tryggjar, at USA ikki mennir kjarnorkuvápn, og tí eigur hon framvegis at vera í gildi. 

USA ætlar eisini at revsa evropeiskar fyritøkur, sum handla við Iran, og tað kann fara at kosta evropeisk arbeiðspláss, siga Frakland og Týskland.  

Franski uttanríkisráðharrin hevur sagt, at tað kann ikki góðtakast, at evropeisk lond skulu gjalda fyri, at USA tekur seg burtur úr avtaluni við Iran, tá USA var við til at gera avtaluna.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585