58.000 tons býtast í menningarkvotur

15.05.2018 - 08:31
AktueltVinna
58.000 tons býtast í menningarkvotur
Fólk í Stóru Dímun, Koltri og Mykinesi kunnu eisini søkja um kvotur, nú stívliga 58.000 tons av uppsjóvarfiski skal býtast í menningarkvotur
 
 

Øll í Føroyum kunnu søkja, tí høvuðsøkini í kunngerðini um menningarkvotur eru tær sjey sýslurnar.

Metingarnevndin, sum ikki er sett enn, skal byggja sína viðgerð á hesi sjey høvuðsøkini.

Men ein ætlan, sum krevur menningarkvotu, kann vera grundað á smærri øki, sum er partur av einum høvuðsøki. 

Dømi um hesi øki kunnu vera øki, sum landafrøðiliga eru avsíðis, hava vánaligt flutningssamband ella víkja frá høvðusøkinum viðvíkjandi atgongd til sjófeingi, broyting í fólkatali og arbeiðsloysi, stendur í kunngerðini.

Í gjár kunngjørdi Fiskimálaráðið, at freistin st søkja um menningarkvotur er til 28.mai á middegi.

Menningarkvota kann latast í eitt ár, tvey ár, trý ár ella í fýra ár. 

Sambært kunngerðini er endamálið við menningarkvotum at fremja vinnuligar menningarætlanir.

Ein metingarnevnd skal taka støðu til umsóknirnar um menningarkvotur, og nevndin ger síðani tilmæli til Fiskimálaráðið.

Trý fólk vera í metingarnevndini, sum landsstýrismaðurin í fiskivinnumálum setir. Nevndin er ikki sett enn.
 

Nýggjastu sendingar í ÚV
Mánadag 17. desember
Morgunlestur mánadagur 17. desember 2018
88937
Sunnudag 16. desember
Meg minnist: Eyðun Joensen (4:4)
88463
Sunnudag 16. desember
Bolero 16 desembur 2018
88995
Sunnudag 16. desember
Credo : Vel tað góða
88936
Nýggjastu sendingar í SV
Sunnudag 16. desember
Guðstænasta úr Viðareiðis kirkju
89003
Sunnudag 16. desember
Andaktin
88998
Leygardag 15. desember
Hvat bagir? (7:8)
87239
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893