Fólkatalið heldur fram at vaksa

16.05.2018 - 09:39
AktueltSamfelag
Fólkatalið heldur fram at vaksa
Fyrsta apríl vóru vit 50.778, og talið er vaksið við 789 fólkum síðani fyrsta apríl í fjør, vísa tøl hjá Hagstovu Føroya
 
 

Tað kemur av burðaravlopi, sum er 213, og nettotilflyting, sum er 576. 

Hendan seinasta ára ársfjórðingin hevur verið serliga stór tilflyting av mannfólki. 

Fólkavøkstur var í øllum sýslum uttan Sandoyar, skrivar Hagstovan.

Veksur skjótast í Eysturoy – minkar í Sandoy

Størsti vøksturin lutfalsliga var í Eysturoyar sýslu við 2,3%, har av serliga í Sjóvar kommunu við 56 fólkum ella 5,7%.

Fólkatalið vaks í øllum høvuðsøkjum uttan í Sandoy. Lutfalsliga er nógv størsti vøksturin í Eysturoy, og hóast fólkatalið er næstan tað dupulta í Tórshavnarøkinum, so er vøksturin í tali næstan líka stórur í Eysturoy sum í Tórshavnarøkinum, skrivar Hagstovan. 

Veksandi tilflyting skapar fólkavøksturin

Sambært tølum hjá Hagstovuni, kemst stóra broytingini í gongdini í fólkatalkinum einamest broyttu flytingini. Fráflytingin er nógv minkað, samstundis sum tað hevur verið ein vøkstur í tilflyting.

Vit skulu heilt aftur til 1980 fyri at finna so lágt tal fyri fráflytingina, sum tey 1.142, ið fluttu av landinum farna 12-mánaðarskeiðið, skrivar Hagstovan.

Verður fráflytingin rokna í mun til fóklatalið, hevur hon ongantíð verið minni tey síðstu 50 árini, sum hagtalsgrunnurin røkkur. 

Nýggjastu sendingar í ÚV
Mánadag 18. mars
Við Tórði á túri til rokútróður
92432
Mánadag 18. mars
Norðurljóð 18.mars 2019
92284
Mánadag 18. mars
Góðan morgun Føroyar 180319
92414
Mánadag 18. mars
Morgunlestur mánadagur 18. mars 2019
91106
Nýggjastu sendingar í SV
Mikudag 20. mars
25 minuttir: Jóna Joensen
92340
Mánadag 18. mars
Afturlit við A-landsliðnum
92429
Mánadag 18. mars
Kappingin harðnar
92426
Mánadag 18. mars
HF Hulda setti met
92427