Fyrsta borgarauppskotið fall

16.05.2018 - 15:00
AktueltPolitikkur
Fyrsta borgarauppskotið fall
Fyrsta beinleiðis uppskotið frá borgarum í Danmark, sum snúði seg um møguleikan at taka fleiri útbúgvingar, er fallið í fólkatinginum.
 
 

Uppskotið snúði seg um, at tað skal bera til at taka meira enn eina útbúgving.

Tað varð eisini væntað, at uppskotið fór at falla, tí stjórnarflokkarnir, Danski fólkaflokkurin og Javnaðarflokkurin hava langt síðani boðað frá, at teir ætlaðu ikki at broyta lógina.

Lógin, sum varð sett í gildi í 2016, avmarkar møguleikan fyri at taka meira enn eina útbúgving á sama stigi.

Tá fólkatingið fyrr í ár samtykti, at borgarar kunnu leggja uppskot fyri fólkatingið, um 50.000 skriva undir, brúktu fleiri næminga- og studentafelagsskapir møguleikan.

Tað gekk skjótt at savna tær 50.000 undirskriftirnar, men uppskotið vann ikki frama. 

Nýggjastu sendingar í ÚV
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Mánadag 25. mars
Hondboltur hálvfinala: H71 - VÍF
92677
Sunnudag 24. mars
Andaktin
92675