Grønland vil í ST

16.05.2018 - 11:55
AktueltPolitikkur
Grønland vil í ST
Nýggja samgongan í Grønlandi ætlar, at Grønland skal fáa sín egna sess í ST.
 
 

Grønland skal hava størri lut í uttanríkispolitikkinum og verjupolitikkinum, stendur í samgonguskjalinum, skrivar KNR

Samgongan vil hava betri møguleikar at vera við í altjóða samstarvi. Orsøkin er, at Grønland er so tætt við Norðpólin.

Fyri at fáa sjálvstøðugan sess í ST, skal umsókn sendast Trygdarráðnum. 

Í minsta lagi níggju av teimum 15 londunum í Trygdarráðnum skulu góðkenna umsóknina, teirra millum skulu vera føstu limirnir: Frakland, Kina, Russland, Bretland og USA. 

Verður umsóknin góðkend í Trygdarráðnum, fer hon víðari til aðalfundin hjá ST, har í minsta lagi tveir triðingar av teimum 193 limalondunum, tað eru 129 lond, skulu atkvøða fyri, skal umsóknin vinna frama. 

Danmark umboðar Grønland og Føroyar í ST. 

Grønlendska samgongan ætlar eisini at útbyggja samstarvið við ES, uttan tó at Grønland søkir um limaskap har.

Harafturat eigur Grønland at lata upp sendistovur í londum, sum Grønland hevur samstarv við, ætlar nýggja samgongan.

Nýggjastu sendingar í ÚV
Mánadag 17. desember
Morgunlestur mánadagur 17. desember 2018
88937
Sunnudag 16. desember
Meg minnist: Eyðun Joensen (4:4)
88463
Sunnudag 16. desember
Bolero 16 desembur 2018
88995
Sunnudag 16. desember
Credo : Vel tað góða
88936
Nýggjastu sendingar í SV
Sunnudag 16. desember
Guðstænasta úr Viðareiðis kirkju
89003
Sunnudag 16. desember
Andaktin
88998
Leygardag 15. desember
Hvat bagir? (7:8)
87239
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893