Rib-bátur í rættin

16.05.2018 - 08:36
AktueltSamfelag
Rib-bátur í rættin
Ákæruvaldið hevur reist ákæru móti skipara og eigara á ribbáti í sambandi við eitt óhapp í Skopunarfirði 2. juli í fjør
 
 

Skiparin er ákærdur fyri brot á kunngerð frá 2008 um manning á førum minni enn 20 bruttotons í strandarsigling, sum sigla við upp til 12 ferðafólkum.

Løgreglan frætti um tilburðin, tá ein kvinna varð flutt á Landssjúkrahúsið til kanningar. Løgreglan avgjørdi tí at kanna málið við atliti til trygdina hjá ferðafólkum umborð á slíkum bátum.

Manglaði prógv

Løgreglan sigur í tíðindaskrivi, at ákæra er reist, tí manningin bert taldi ein, hóast fleiri enn 5 ferðafólk vóru umborð.

Og hesin hevði ikki størra dugnaskaparsprógvið í sigling, hann hevði ikki góðkent trygdarskeið fyri sjófólk og hann hevði heldur ikki heilsuváttan fyri sjófólk. 

Og eingi persónur við dugnaskaparsprógvi í motorpassing var umborð, hóast báturin hevði størri framtøkumegi enn 100 KW. 

Felagið, sum eigur bátin, er ákært fyri brot á kunngerð um byggikrøv og útgerð og annað til smærri vinnufør, tí felagið hevði ábyrgdina av, at báturin sigldi við ferðafólki, hóast siglingarloyvið til ferðafólk ikki var endurnýggjað. 

Málið hevur verið til hoyringar hjá Sjóvinnustýrinum, og nú hevur ákæruvaldið avgjørt at reisa ákæru, og hevur sent Føroya Rætti málið.  
 

Nýggjastu sendingar í ÚV
Sunnudag 23. september
Meg minnist: Jákup Mikal Mikkelsen (2:2)
85431
Sunnudag 23. september
Guðstænasta í Haldórsvíkar kirkju
85660
Sunnudag 23. september
Einsamallur úti á opnum havi
85609
Leygardag 22. september
Morgunlestur leygardagur 22. september 2018
85416
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382