- Tíðindi, mentan og ítróttur
Tørv á samskipara
Økta talið av viðgerðartilboðum til sjúklingar viðførir ein vaksandi tørv á sjúklingasamskipan.
Tørvurin er serliga stórur, tá talan er um viðgerðir, har ein partur fer fram uttanlands og ein partur fer fram í Føroyum.
Hjá Uttanlandstænastuni á Landsjúkrahúsinum eftirlýsa tey, at mann í føroyska heilsuverkinum hevur ein samskipara, sum millum kann hjálpa sjúklingum, sum verða viðgjørdir á fleiri sjúkrahúsum.
Tað sigur Hergerð Heldarskarð, leiðari á Uttanlandstænastuni.
Uttanlandstænastan hevur ein sjúklingasamskipara í Danmark, sum hjálpir við at skipa viðgerðargongdina hjá føroyskum sjúklingum í Danmark.
Orsøkin til økta tørvin er millum annað, at viðgerðartilboðini verða fleiri, og nógvir sjúklingar skulu í viðgerð á fleiri ymsikum sjúkrahúsum.