Nýggi stjórin minni í løn

Nýggi stjórin minni í løn
Arbeiðsupgávurnar hjá nýggja stjóranum í Vága Floghavn eru tær somu sum hjá undanfarna stjóranum, og kortini fær hon 30.000 krónur minni
Gudny Langgard tók við í starvinum sum stjóri á Vága Floghavn tann 1. mai í ár.
 
23.05.2018 - 08:16

Arbeiðsupgávurnar hjá nýggja stjóranum í Vága Floghavn, Gudny Langgaard, eru tær somu sum hjá undanfarna stjóranum, Jákup Sverra Kass. Men kortini fær hon 30.000 krónur minni í løn um mánaðin, enn hann fekk.

Tað sigur Samferðslumálaráðið í svari til spurning frá Kringvarpinum um starvsinnihaldið hjá nýggja stjóranum.

Samferðslumálaráðið sigur, at starvsinnihaldið hjá nýggja stjóranum er tað sama sum hjá undanfarna stjóranum. Tað vil siga, at nýggi stjórin fær ikki minni at gera, fyri tí um lønin er lækkað við 30.000 krónum.

Samferðslumálaráðið sigur, at tað er nevndin í Vága Floghavn, sum hevur ásett lønina hjá nýggja stjóranum. Men landsstýrismaðurin hevur á fundum fyri nevndina í Vága Floghavn fleiri ferðir gjørt vart við, at samsýningarnar hjá stjórum í almennum partafeløgum generelt eru ov høgar, sigur Samferðslumálaráðið í svari til Kringvarpið.

Samferðslumálaráðið sigur seg ongi skjøl hava um samsýningina hjá stjóranum, tí landsstýrismaðurin kann ikki áleggja partafelagnum Vága Floghavn tænastuboð.

- Men landsstýrismaðurin fegnast um, at hansara sjónarmið hava vunnið frama í hesum sambandi, sigur Samferðslumálaráðið.

Jákup Sverri Kass fór frá sum stjóri í Vága Floghavn hálvan november í fjør, og Gudny Langgaard tók við sum stjóri 1. mai í ár.

Jákup Sverri Kass fekk hálvfemstúsund krónur, tá hann var stjóri, Gudny Langaard fær trýsstúsund krónur, nú hon er vorðin stjóri.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585