Forboð fyri einnýtisíløtum og borðbúnaði úr plasti

28.05.2018 - 14:59
AktueltÚtheimurin
Forboð fyri einnýtisíløtum og borðbúnaði úr plasti
ES-nevndin skjýtur upp at seta reglur í verk, sum hava til endamáls at minka um plastið, ið dálkar náttúruna, strendurnar og høvini í Evropa.
 
 

Forboð eigur at verða sett fyri einnýtisíløtum og borðbúnaði úr plasti, heldur ES-nevndin, tí tað dálkar náttúruna, strendurnar og høvini í Evropa meira enn nakað annað.

ES-nevndin skjýtur upp at seta forboð fyri einnýtisíløtum, knívum, gaflum, skeiðum og súgvirørum úr plasti.

Jyrki Katainen, næstformaður í ES-nevndini við ábyrgd fyri vøkstri, sigur, at plastikk, sum bert verður nýtt eina ferð, er ein vánalig loysn fyri bæði búskapin og umhvørvið.

Tað versta er einnýtisplast og fiskireiðskapur

70 prosent av ruskinum í havinum er annaðhvørt einnýtis-plastikk ella mistur fiskireiðskapur, og nýggju reglurnar eru ætlaðar at avmarka - um ikki at steðga hesi dálking.

Uppskotið um forboð ímóti einnýtis-plasti umfatar eisini vatt-pinnar, røripinnar og ballónpinnar úr plastikki.

Aðrar famleiðslur skulu merkjast, so tað sæst, hvussu ringar tær eru fyri umhvørvið, og hvussu tær skulu burturbeinast, t.d. reinførisbind, vátserviettar og ballónir.

ES-londini skulu eisini hvør sær seta sær sum mál at minka um plastið til íløt at selja matvørur í.

Pantiskipan fyri øll ES-londini

Eitt annað endamál við nýggju reglunum er at fáa 90 prosent av øllum einnýtisfløskum innaftur í eini pantiskipan, sum skal vera galdandi fyri øll ES-londini.

Haraftrat skulu framleiðarar av einnýtslu-plastikki áleggjast gjøld fyri kostnaðin av teirri upprudding, sum plast-burturkastið hevur við sær.

Tað verður t.d. galdandi fyri virki, ið framleiða chips og góðgæti í plastikkposum, sigarettir við filtri, plastíløt, -fløskur og -koppar.

Tað sama verður galdandi fyri virki, ið framleiða fiskireiðskap, at tey skulu áleggjast gjald fyri útreiðslur av burturbeining. Kanningar vísa, at 27 prosent av tí, sum rekur upp á strendurnar í Evropa, er fiskireiðskapur.

Limalondini í ES skulu ummæla uppskotið, áðrenn tað verður lagt fyri ES-parlamentið næsta ár, skrivar Ritzau.


 

Nýggjastu sendingar í ÚV
Hósdag 18. oktober
Morgunlestur hósdagur 18.oktober 2018
86024
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Týsdag 16. oktober
Morgunlestur týsdagur 16.oktober 2018
86022
Nýggjastu sendingar í SV
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405
Fríggjadag 12. oktober
Lyst 16
86308