Tilmæli frá kommunum: Suðuroyggin og framtíðin

29.05.2018 - 08:50
AktueltSamfelag
Tilmæli frá kommunum: Suðuroyggin og framtíðin
Nýggj størv - ikki minst til fólk, sum hava útbúgving, er grundhugsanin í tilmælinum til landsstýrið, sum kommunurnar í Suðuroynni hava gjørt
Mynd: © Suðuroyggin og framtíðini – tilmælið um menningarátøk 2018  
 

Tilmælið eitur Suðuroyggin og framtíðin - tilmæli um menningarátøk 2018, og í tí eru 11 tilmæli.

Kommunurnar høvdu í gjár fund við landsstýrið í húsinum Við Á í Porkeri.

Á fundinum vórðu avbjóðingarnar í Suðuroynni umrøddar - eisini avbjóðingarnar á eldraøkinum í Suðuroynni.

Tær sjey kommunurnar í Suðuroynni mæla til, at kommunurnar fremja nøkur átøk, landið nøkur og kommunurnar og landið fremja nøkur saman. 

Grundhugsanin í tilmælinum hjá kommununum er nýggj størv í oynni.

Men nøkur átøk skulu virka alt fyri eitt, skriva kommunustýrini í tíðindaskrivi.

Aksel V. Johannesen, løgmaður, segði eftir fundin í gjár, at Bakkafrost fær øll fýra aliloyvini í Suðuroynni.

1. januar 2019 fær Suðuroyggin námsfrøðiliga hjálparfólkaútbúgving, og hon verður í Hovi. 

Ferðaseðlaprísirnir hjá Strandfaraskipum landsins skulu lækka hjá teimum, sum búgva í oynni.

Og trupulleikarnir við at fíggja eldraøkið í Suðuroynni verða loystir í heyst, segði løgmaður í gjár. 

 
Nýggjastu sendingar í ÚV
Hósdag 25. apríl
Morgunlestur hósdagur 25. apríl 2019
93371
Mikudag 24. apríl
Nón - MentanarMikudagur 24.04.2019
93819
Mikudag 24. apríl
Mono: New York & East Coast Hip Hop
93810
Mikudag 24. apríl
Ítróttasamband í 80 ár
93804
Nýggjastu sendingar í SV
Hósdag 25. apríl
Sí sendingina: »Sjá, tú blánar«
16309
Hósdag 25. apríl
Fyrsta FM finalan KYNDIL - VÍF, kvinnur
93821
Mikudag 24. apríl
Minnist tú enn? (7:13)
19777
Mikudag 24. apríl
25 minuttir: Andrias Høgenni
93252