Einki disiplinermál reist í farloyvistíðini

Einki disiplinermál reist í farloyvistíðini
Einki disiplinermál er reist móti Bjarna Hammer, og einki agamál verður reist, so leingi Bjarni Hammer er í farloyvi frá starvi sum løgreglumaður
 
30.05.2018 - 12:36

Bjarni Hammer er løgreglumaður, men hann er í farloyvi frá sínum starvi, tí hann er valdur á løgting.

28. februar fór hann í farloyvi úr løgtinginum, tí løgreglan kannaði eitt mál móti honum. 22. mars fór Bjarni Hammer aftur á ting, løgreglan var liðug við sínar kanningar, og statsadvokaturin boðaði frá, at tey gjørdu ikki meira við málið.

Eftir stóð spurningurin, um løgreglan sjálv fór at føra eitt agamál, eina disciplinersak, móti Bjarna Hammer. 

Svarið upp á tann spurningin tvíbýtt. Annan partin av svarinum hevur John Kolbæk, fúti. Tað svarið sigur so mikið sum, at tað ikki er vanlig mannagongd at føra agamál móti vanligum løgreglufólki, sum eru í farloyvi frá sínum starvi. Bjarni Hammer er í skrivandi løtu í farloyvi sum løgreglumaður.

Harnæst er Kølbæk bundin av tagnarskyldu. Bjarni Hammer er vanligt starvsfólk, og John Kølbæk kann ikki siga nakað um ítøkilig starvsfólkamál.

Tað kann heldur eingin annar myndugleiki. Og har er tað, at hin parturin av svarinum fæst hjá Bjarna Hammer sjálvum.

Hann sigur í dag, at hann ikki hevur frætt nakað um nakað agamál móti sær í løgregluni. Tað sama sigur sakførari hansara Jógvan Páll Lassen.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858