Metstórur áhugi fyri Tórshavn Marathon

02.06.2018 - 11:29
Aktuelt
Metstórur áhugi fyri Tórshavn Marathon
Í morgin verður skipað fyri 16. maratonrenningini í Tórshavn, og áhugin er metstórur: Væl omanfyri 600 fólk úr 28 londum hava teknað seg
 

- Tað koma næstan líka nógvir útlendingar sum føroyingar. Higartil eru yvir 300 útlendingar, sigur Herluf Jacobsen, sum er limur í Maratonbólkinum hjá Bragdinum, sum skipar fyri Atlantic Airways Tórshavn Marathon.

Útlendingarnir koma úr 28 ymiskum londum. 

Fyri at ávirka ferðsluna sum minst, er marathonrenningin í ár flutt frá leygardegi til sunnudag.

Nógvir vegir verða stongdir frá 12.45 til klokkan 19.  

Renningin fer sostatt at ávirka koyringina til og úr Kaldbak.

Til og úr Havnini verður koyrandi eftir Oyggjarvegnum.

Vegirnir millum Hoyvík og Kaldbak verða stongdir frá klokkan 13 til 19.

Ferðslan inni í Havnini millum Eysturbýin og Miðbýin verður eisini ávirkað av hesum, tí teinurin millum royndkoyringina á Hálsi og heilt oman til rundkoyringina við Skansan er stongdur í góðar tveir tímar, - frá kl. 12.45 til 14.30. Men Bragdið ger tvær slúsur so koyrandi er millum hesa býarpartar.

 


 

 
Nýggjastu sendingar í ÚV
Fríggjadag 5. mars
Nón 5. mars 2021
121211
Fríggjadag 5. mars
Góðan morgun Føroyar
121177
Nýggjastu sendingar í SV
Fríggjadag 5. mars
Lyst 40
121086
Mikudag 3. mars
Hondbóltur: KÍF - Team Klaksví­k
121104
Mikudag 3. mars
Úr savninum: Matur og matgerð
121098
Týsdag 2. mars
Noomi O. Gregersen, FarGen
118847