Nevndarformaður: Misskiltur ótti um Kina

09.06.2018 - 10:53
AktueltPolitikkur
Nevndarformaður: Misskiltur ótti um Kina
Danskir politikarar hava misskilt ætlanina at byggja nýggjar floghavnir í Grønlandi, sigur Jóhannus Egholm Hansen, nevndarfmd. í Kalaallit Airports
 
 

Danskir politikarar hava misskilt ætlanina at byggja nýggjar floghavnir í Grønlandi, sigur nevndarformaðurin í Kalaallit Airports, Jóhannus Egholm Hansen við Sermitsiak.

Kinesiska byggifyritøkan, China Communications Construction Company, er undangóðkend at bjóða upp á arbeiðið at byggja tríggjar nýggjar floghavnir.

Politikarar í danska javnaðarflokkinum, Danska fólkaflokkinum og Vinstra siga, at avleiðingin kann verða, at Grønland verður búskaparliga heft av Kina. 

Men hetta er ein misskiljing, sigur Johannus Egholm Hansen.

- Kinesiska fyritøkan er bara við til at bjóða upp á arbeiðið. Hon skal ikki fíggja verkætlanina, sigur hann.

Nevndarformaðurin í Kalaallit Airports samanber støðuna við, at tann, sum byggir eini hús, skyldar ikki teimum, sum smíða, pengar, men bankanum, sum lænir peningin.

- Sama hvør fær arbeiðið, fara vit at kanna lánimarknaðin í Evropa, Amerika og Asia saman við fíggjarliga ráðgeva okkara, Danske Bank, til tess at fáa besta tilboðið.

Hetta kann eisini umfata kinesiskar lániveitarar, men tað hevur einki hevur einki samband við, hvør skal gera arbeiðið, sigur Jóhannus Egholm Hansen. 

Í gjár frættist, at ein av undangóðkendu fyritøkunum, sum sleppur at bjóða upp á arbeiðið at gera floghavnirnar í Grønlandi, hevur tikið seg aftur.

Tað er partafelagið Per Aarsleff, sum saman við íslendska Ístaki, er undangóðkent at bjóða. 

Felagið vil tó ikki siga, hví tað tekur seg aftur. 

Jóhannus Egholm Hansen sigur, at Kalaallit Airports fer ikki at bjóða fleiri feløgum at verða undangóðkend.

Johannes Egholm Hansen er annar føroyingurin í nevndini fyri Kalaallit Airports. Hin er Jákup Sverri Kass, fyrrverandi stjóri í Vága floghavn. 

Nýggjastu sendingar í ÚV
Týsdag 16. oktober
Morgunlestur týsdagur 16.oktober 2018
86022
Mánadag 15. oktober
Við Tórði á túri til roysnissteinar
86442
Mánadag 15. oktober
Síðsta Skríggj 12.oktober 2018
86441
Mánadag 15. oktober
Norðurljóð 15.oktober 2018
86440
Mánadag 15. oktober
Sunnudagstónar 14. oktober 2018
86413
Nýggjastu sendingar í SV
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405
Fríggjadag 12. oktober
Lyst 16
86308