Enn ein eykajáttan til Landssjúkrahúsið

11.06.2018 - 14:25
AktueltPengar
Enn ein eykajáttan til Landssjúkrahúsið
Hóast sparitiltøk eru sett í verk, vanta 10 milliónir krónur í fyri at reka vanliga virksemið á Landssjúkrahúsinum
 
 

Landsjúkrahúsið hevur tørv á 21 milliónum krónum fyri at fáa játtanina í ár at hanga saman. Nakað av peninginum er funnin við sparingum, men enn vænta 10 milliónir krónir í.

Fíggjarnevndin hevur fingið fíggjarnevndarskjal, har biðið verður um 10 milliónir í eykajáttan, tí at játtanin til Landssjúkrahúsið er ov lág til verandi virksemi.

Málið hevur skund, tí Landssjúkrahúsið fyri at halda játtanina, má seta fleiri tiltøk í verk, enn ráðiligt er, stendur í fíggjarnevndarskjalinum.

Í málsfreigreiðingini stendur, at játtanin til Landssjúkrahúsið er ov tepur til at halda verandi virksemi.

Landssjúkrahúsið hevur sagt frá, at tørvur er á góðum 14 milliónir krónur fyri at hava sama virksemi sum í 2017.

Harumframt hevur sjúkrahúsið nú fingið 7 milliónir krónur í rokning frá Region Hovedstaden fyri reglurering vegna viðgerð uttanlands í 2016 og 2017, sum verður bókað í 2018.

Hetta merkir, at 21 milliónir krónur vanta í til at fáa játtanina í 2018 at hanga saman.

Orsøkirnar eru í høvusheitum, at lønarútreiðslurnar eru 4 milliónir hægri, konsulentar við meira kosta 10 milliónir, og serviðgerðir uttanlands kosta 7 milliónir krónir. Tað gevur tilsamans 21 milliónir krónur.

Tiltøk eru sett í verk soleiðis, at nøkur umsitingarlig størv ikki verða sett aftur, eins og aðrar sparingar og tillagingar eru settar í verk.

Eftir at hesi tiltøk eru sett í verk vanta 10 milliónir krónur í til vanliga virksemið. 

Tiltøk eru eisini sett í verk fyri at avmarka talið av sjúklingum, sum verða sendir uttanlands.

Ilt er at siga, hvussu hetta kemur at ávirka fíggjarligu gongdini, og í besta fall ber til at vóna, at játtanin kemur at halda. 

Av tiltøkunum, ið eru sett í verk fyri virksemi uttanlands, verða tó einans viðgerðir útsettar, har vandi ikki er fyri førleika ella lívi. Sparingarnar væntast at verða millum 3 og 7 milliónir krónur.

Tiltøk í sjúkrahúsinum og tálmingar av uttanlandsvirkseminum, sum eru sett í verk, standa við.

Nýggjastu sendingar í ÚV
Fríggjadag 18. januar
Bolero 13. jan. 2019
90124
Fríggjadag 18. januar
Góðan morgun Føroyar 180119
90111
Fríggjadag 18. januar
Morgunlestur fríggjadagur 18. januar 2019
89871
Hósdag 17. januar
Nón - hósdagur 17.01.19
90085
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Bóndin (2:7)
89919
Hósdag 17. januar
Hassans hendur (2:4)
90024
Mikudag 16. januar
Úr savninum: Føroyskt bátasmíð
90005
Mikudag 16. januar
Til borðs við Price: sviði og pína
89928