Kósin sleppur ikki at byggja út

11.06.2018 - 13:54
AktueltVinna
Kósin sleppur ikki at byggja út
Vørn vil ikki geva P/f Kósini loyvi at byggja út. Avgerðin er kærd, og Fiskimálaráðið hevur ikki avgreitt málið enn.
 
 

Vørn vil ikki geva P/f Kósini loyvi at byggja út.

Vørn hevur ikki aðrar viðmerkingar um útbyggina hjá Kósini í Klaksvík enn tær, sum eru í avgerðini hjá stovninum, sigur stjórin, Elmar Højgaard.

Tann avgerðin er kærd til Fiskimálaráðið. Tað var 19. mars, men Fiskimálaráðið hevur ikki avgreitt málið enn.

Sambært nýggju lógini um sjófeingi kann útlendskur kapitalur í føroysku fiskivinnununi ikki hækka. Hann skal vera heilt úti í seinasta lagi í 2024.

Ætlanin er at útbyggja virkið á Kósini fyri góðar 40 milliónir krónur. Útbyggingin er longu byrjað.  

Fígging er fingin til 30 milliónir, men eigararnir í partafelagnum skulu sjálvir fíggja góðar tíggju milliónir, sum er nýggjur partapeningur.

Ásetingin um útlendskan partapening er bara galdandi fyri fiskivinnuna á sjónum, ikki á landi, men hon er galdandi fyri Kósina, tí partafelagið eigur dótturfeløg, sum eiga línuskip, sum fiska til flakavirkið í Klaksvík.

Partafelagið DWF í Kollafirði eigur meira enn fimm prosent í partafelagnum Kósini. Niðurlendingar eiga í DWF. 

Í kæruni til Fiskimálaráðið sigur Kósin, at útlendski ognarparturin í Kósini minkar hálvt prosent í samband við, at partapeningurin skal vaksa góðar tíggju millónir.

Vørn sigur, at ikki ber til at geva loyvi til at hækka kapitalin í Kósini, tí talan er um, at útlendingar keypa fleiri partabrøv í felagnum, og tað er lógarbrot.

Kósin sigur í kæruni, at partabrøv verða ikki seld, men kapitalurin í felagnum verður størri. Tey somu, sum í dag eiga felagið, seta meira í. 
 

Nýggjastu sendingar í ÚV
Fríggjadag 18. januar
Bolero 13. jan. 2019
90124
Fríggjadag 18. januar
Góðan morgun Føroyar 180119
90111
Fríggjadag 18. januar
Morgunlestur fríggjadagur 18. januar 2019
89871
Hósdag 17. januar
Nón - hósdagur 17.01.19
90085
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Hassans hendur (2:4)
90024
Hósdag 17. januar
Bóndin (2:7)
89919
Mikudag 16. januar
Úr savninum: Føroyskt bátasmíð
90005
Mikudag 16. januar
Til borðs við Price: sviði og pína
89928