Fíggjarnevndin viðger meirjáttanir fríggjadagin

13.06.2018 - 07:49
AktueltPolitikkur
Fíggjarnevndin viðger meirjáttanir fríggjadagin
Fíggjarnevndin hevur fingið tvey fíggjarnevndarskjøl frá landsstýrinum. Landssjúkrahúsið biður aftur í ár um fleiri pengar
Landssjúkrahúsið biður aftur í ár um fleiri pengar enn løgtingið játtaði í fíggjarlógini.
 
 

Ikki fyrr enn fríggjadagin fer Fíggjarnevndin at viðgera fíggjarnevndarskjølini frá landsstýrinum.
Nevndin fekk skjølini mánadagin, men forkvinnan í nevndini, Ruth Vang, hevur verið uttanlands.  

Landssjúkrahúsið biður Fíggjarnevndina um tíggju milliónir krónur afturat alt fyri eitt.

Fram er komið, at Landsjúkrahúsið hevur brúk fyri 21 milliónum krónum fyri at fáa játtanina í ár at halda.

Nakað er funnið við sparingum, men enn vanta tíggju milliónir krónur, sum Fíggjarnevndin nú er biðin um.

Semingsstovnurin

Hitt fíggjarnevndarskjalið er um 300.000 kr. til Semingsstovnin, tí semingsmenninir hava so nógv at gera í ár.

Játtanin í ár er annars 400.000 kr.

Mælt verður til í fíggjarnevndarskjalinum, at tær 300.000 kr. verða tiknar frá Gjaldstovuni, sum tolir at missa pengarnar, tí tað dregur út at seta samskipara til Keypsportalin, sigur Fíggjarmálaráðið.

Formansskapurin í løgtinginum hevur fund í morgin um millum annað fíggjarætlanina hjá løgtinginum í 2019.

Nýggjastu sendingar í ÚV
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Mánadag 18. februar
Síðsta skríggj 15.februar 2019
91329
Sunnudag 17. februar
Meg minnist: Óli Jacobsen (1:5)
91258
Nýggjastu sendingar í SV
Mánadag 18. februar
25 minuttir: Oddfríður Marni Rasmussen
90944
Sunnudag 17. februar
Andaktin
91320
Sunnudag 17. februar
Gudstænasta í Hoyvíkar kirkju
91319
Leygardag 16. februar
Mitt í náttúruni (8:9)
90208
Fríggjadag 15. februar
Lyst 27
91270