Átta skip landaðu svartkjaft 16 ferðir uttanlands

14.06.2018 - 12:04
AktueltVinna
Átta skip landaðu svartkjaft 16 ferðir uttanlands
Góð 39.000 tons vórðu landað í øðrum londum enn í Føroyum. Landingarforboðið kemur í gildi aftur í morgin
Loyvt var at landa svartkjaft uttanlands frá 27.apríl til í dag.
 

Átta føroysk skip brúktu møguleikan at landa svartkjaft uttanlands. 

Tey landaðu 16 ferðir, tilsamans góð 39.000 tons, upplýsir Vørn. 

Skipini landaðu í Írlandi, Noregi, Íslandi, Danmark og í Niðurlondum.

Í dag, 14.juni, er seinasti dagur, sum føroysk skip sleppa at landa svartkjaft uttanlands.

Kunngerðin broytt

Vinnan legði trýst á Fiskimálaráðið um at broyta treytina um føroyskan kaikant, tí móttøkuorkan í Føroyum var avmarkað, og nógvur svartkjaftur var at fáa. 

Tí var leingi hjá svartkjaftaskipunum at bíða eftir at sleppa framat at landa í Føroyum.

Fiskimálaráðið broytti síðani kunngerðina, so til bar at landa svartkjaft uttanlands frá 27.apríl til og við 14.juni.

Fyri einum mánað síðani høvdu fimm føroysk skip landað svartkjaft uttanlands.

Tey høvdu landað sjey ferðir í Danmark, Norra og í Íslandi, tilsamans 14.500 tons, upplýsti Vørn tá.


 

 
Nýggjastu sendingar í ÚV
Nýggjastu sendingar í SV
Mánadag 20. mai
3-2
94700
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619
Fríggjadag 17. mai
Guðstænasta úr Havnar kirkju
94615