Fordøma Ísrael

14.06.2018 - 08:35
AktueltÚtheimurin
Fordøma Ísrael
ST-aðalráðið hevur við stórum meiriluta samtykt, at Ísrael og ikki Hamas skal fordømast fyri at hava dripið 120 sivilfólk í Gasa
ST-aðalráðið samtykti við stórum meiriluta at fordøma Ísrael
Mynd: © Reuters  
 
 

Samstundis vísir ST aftur amerikanska uppskotinum um at fordøma palestinsku rørsluna, Hamas, fyri drápini. 

120 atkvøddu fyri ST-samtyktini, og átta vóru ímóti, og 45 atkvøddu ikki, skrivar Reuters-tíðindastovan.

ST-aðalskrivarin, Antonio Guterres, fekk harumframt áheitan um at mæla til størri altjóða verju í palestinska økinum.

Síðani síðst í marsmánaða eru meira enn 120 fólk dripin í hørðum samanbrestum millum ísraelskar hermenn og palestinar, sum mótmæltu á markinum millum Ísrael og Gasa. Meginparturin av teimum dripnu høvdu eingi vápn.

Hóast stórur meirluti hevur atkvøtt fyri samtyktini, hava fleiri diplomatar víst á, at samtyktin er ov einsíðug.

Palestinar bóðu um skundfund í ST-aðalráðnum, har ikki ber til at brúka veto-rættin, eftir at USA 1. juni nýtti veto-rætt sín móti eini samtykt um Gasa í ST-trygdarráðnum.

Amerikanski ST-sendiharrin, Nikki Haley, skýrdi samtyktina at vera grovt parthalla, tí funnist verður bara at Ísrael. Hon finst eisini at samtyktini, tí Hamas verður ikki nevnt í henni, og USA sigur, at Hamas er upprunin til harðskapin, skrivar Ritzau.

Nýggjastu sendingar í ÚV
Hósdag 17. januar
Nón - hósdagur 17.01.19
90085
Hósdag 17. januar
Góðan morgun Føroyar 170119
90059
Hósdag 17. januar
Morgunlestur hósdagur 17. januar 2019
89869
Mikudag 16. januar
Nón - 16.01.19
90038
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Hassans hendur (2:4)
90024
Hósdag 17. januar
Bóndin (2:7)
89919
Mikudag 16. januar
Úr savninum: Føroyskt bátasmíð
90005
Mikudag 16. januar
Team Bachstad á ferð (3:6)
90014