Mæla til at fiska minni tosk

14.06.2018 - 08:31
AktueltVinna
Mæla til at fiska minni tosk
Minni toskur verður at fiska í Barentshavinum næsta ár, verður lurtað eftir ICES, altjóða havgranskingarstovninum.
 

ICES, sum er altjóða havgranskingarstovnurin, mælir til, at tað ikki verða fiskað meira enn 674.678 tons av toski í Barentshavinum í 2019.

Hetta eru 100.000 tons minni, enn kvotan er í 2018.

Toskurin í Barentshavinum er minkaður skjótt. Í 2013 var kvotan har ein millión tons. Nú í ár er hon 775.000 tons.

Stóru kvoturnar seinastu árini byggja á árgangirnar 2004 og 2005. Men seinni er minni komið undan, og tað sæst nú aftur í tilmælinum hjá ICES.

Eisini hýsukvotan í Barentshavinum skal minka, sigur ICES. Hon skal úr góðum 200.000 tonsum í ár niður í góð 150.000 tons næsta ár.

Noreg og Russland áseta toskakvotuna og hýsukvotuna fyri 2019 í oktober í ár.

Føroyska toskakvotan og føroyska hýsukvotan í Barentshavinum minkaðu 12,5 prosent í ár sammett við 2017.
 

 
Nýggjastu sendingar í ÚV
Leygardag 25. mai
Tá Skagerak sakk
94025
Leygardag 25. mai
Also: At velja kyn er óetiskt!
94891
Leygardag 25. mai
Morgunlestur leygardagur 25. mai 2019
94657
Nýggjastu sendingar í SV
Fríggjadag 24. mai
Sí stroymingina: Borgin - Tjóðveldi
94874
Fríggjadag 24. mai
Andglettur - Sambandsflokkurin
94873
Hósdag 23. mai
Andglettur: Framsókn
94822