Meirilutin hjá Merkel í vanda

15.06.2018 - 08:17
AktueltÚtheimurin
Meirilutin hjá Merkel í vanda
Týski kanslarin, Angela Merkel, og innanríkisráðharrin, Horst Seehofer, eru rúkandi ósamd í tilflytaramálum.
 
 

Trýst er á Merkel um at herða tilflytarapolitikkin, eftir at um ein millión flóttafólk komu til landið í 2015. 

Ósemjan kann hótta stjórnarsamgonguna hjá Merkel, skrivar bretski miðlar.

Ósemjan vísir, hvussu veikt samstarvið millum týsku flokkarnar, CDU og CSU, í veruleikanum er. Tað vil siga samstarvið millum Merkel og Kristiligu Demokratarnar øðrumegin, og CSU hinumegin. 

Meirilutin hjá stjórnini er í vanda. 

Horst Seehofer, sum er formaður í CSU, vil geva løgregluni víðari heimildir at senda asyl-umsøkjarar við týska markið avstað aftur, sum hava søkt um friðskjól í einum øðrum evropiskum landi ella sum ikki hava pass. 

Merkel sigur, at slíkur politikkur fer at raka Italia og Grikkaland, sum neyvan fáa tikið ímóti fleiri fólkum. 

Tingfólk í CDU siga, at tey stuðla Merkel, men tingfólk í CSU stuðla sínum formanni í ósemjuni. 

Uttan CSU hevur týska stjórnin mist meirilutan í parlamentinum, men Kristiligi systurflokkurin kann fáa meiriluta saman við týska javnaðarflokkinum, SPD. 

Nýggjastu sendingar í ÚV
Sunnudag 22. juli
Guðstænasta í Húsa kirkju
83533
Leygardag 21. juli
Morgunlestur leygardagin 21. juli 2018
82861
Leygardag 21. juli
Frítíð og náttúra (3:4)
83444
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334