Revsitollur á amerikanskar vørur

Revsitollur á amerikanskar vørur
ES-londini fara í morgin at leggja 25 % í revsitolli á fleiri amerikanskar vørur, sigur ES-nevndin í einum tíðindaskrivi.
Frá 22. juni verður tað dýrari at keypa eitt nú bourbon úr Amerika
 
21.06.2018 - 08:17

Við hesum svarar ES USA aftur, sum hevur lagt verjutoll á stál og aluminium úr ES-londum.

- Vit vildu ikki koma í hesa støðuna. Men einvísa og órímiliga avgerðin um at leggja toll á stál og aluminium úr ES-londum hevur við sær, at vit hava ikki aðrar møguleikar, sigur Cecilia Malmstrøm, ES-nevndarlimur í handilsmálum.

Amerikansku vørurnar, sum revsitollurin rakar, eru eitt nú Harley Davidson-motorsúkklur, Levis-kovboybuksur og bourbon.

Mett verður, at amerikanskar vørur fyri 2,8 milliardir evrur, ella 21 milliardir krónur í okkara peningi, verða raktar av revistollinum.

Amerikanski tollurin á stál og aluminium úr ES er ávikavist 25 og 10 %. Hann kom í gildi 1. juni. 
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585