Reiðarafelagið stevnt Fiskimálaráðnum

22.06.2018 - 09:08
AktueltSamfelag
Reiðarafelagið stevnt Fiskimálaráðnum
Reiðarafelagið stevndi í gjár Fiskimálaráðnum við kravi um, at áseting í grein 7, stk. 2, í lógini um royndaruppboðssøluna er ógildug.
Mynd: © Reiðarafelagið  
 
 

Føroya Rættur skal nú taka støðu til, um landsstýrið í 2016 og aftur í 2017 hevði loyvi til at sleppa manningunum undan at gjalda sín part av rokningini, tá kvotur vórðu keyptar á royndaruppboðssølu.

Reiðarafelagið stevndi í gjár Fiskimálaráðnum við kravi um, at áseting í grein-7, stk.2, í lógini um royndaruppboðssøluna er ógildug.

Reiðarafelagið tvíheldur um, at henda lógarásetingin er brot á frælsa samráðingarrættin.

Í 2016 varð partur av kvotunum av uppsjóvarfiski og botnfiski í Barentshavinum seldur á royndaruppboðssølu.

Reiðarafelagið sigur í stevningini móti Fiskimálaráðnum, at seld vórðu rættindi fyri smáar 60 milliónir krónur. 

Felagið metir, at við galdandi býtisprosenti hevur uppboðssølulógin fyri 2016 flutt virðir frá reiðaríunum til manningarnar fyri umleið 17,7 milliónir krónur.

Í stevningini vísir Reiðarafelagið á, at í 2017 var støðan meinlík støðuni í 2016. Tí tekur felagið fyrivarni fyri at víðka sakarkravið til eisini fevna um uppboðssølulógina fyri 2017.

Umframt at vilja hava Fiskimálaráðið at viðurkenna, at grein-7, stk.2, í uppboðssølulógini frá 2016 skal vera ógildug, so krevur Reiðarafelagið í øðrum lagi, at Fiskimálaráðið skal viðurkenna, at henda greinin er beinleiðis ognartøkuinntriv í rættindini hjá reiðarum.

Nýggjastu sendingar í ÚV
Mikudag 26. september
Morgunlestur mikudagur 26. september 2018
85419
Týsdag 25. september
Tematýsdagur um tað góða arbeiði
85762
Týsdag 25. september
Áðrenn Elvis 25 septembur 2018
85752
Týsdag 25. september
HB vann FM í Klaksvík
85729
Týsdag 25. september
Sunnudagstónar 23. september 2018
85728
Nýggjastu sendingar í SV
Mánadag 24. september
3-2
85719
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398