Menninir komnir afturíaftur í øllum góðum

Arthur Ryggstein og Bjarti Mellemgard Henriksen eru komnir afturíaftur í øllum góðum.

In.fo skrivar, at teir báðir ungu menninir eru staddir í Malmø, og teir hava tað gott.

Teir hava annars verið eftirlýstir í Danmark. Teir skuldu eftir ætlan heim til Føroya við flogfarinum hjá Atlantsflogi á middegi týsdagin. Men teir komu ikki umborð á flogfarið, og eingin hevði frætt frá teimum, síðan teir vóru á veg á flogvøllin í Kastrup.

Teir høvdu heldur ikki verið á sosialu miðlunum síðan týsdagin. Teir hava nú latið frætt frá sær úr Malmø og hava tað gott, skrivar in.fo.