Dýrast í Íslandi, Sveis og Noregi

26.06.2018 - 13:25
AktueltSamfelag
Dýrast í Íslandi, Sveis og Noregi
EFTA-londini Ísland, Sveis og Noreg høvdu í 2017 hægsta prísstig fyri matvørur og tænastur til húsarhald.
Norra er eitt tað dýrasta landi í Evropa, vísa nýggjastu tølini frá Eurostat
 
 

EFTA-londini Ísland, Sveis og Noreg høvdu í 2017 hægsta prísstig fyri matvørur og tænastur til húsarhald. Tað vísa nýggjastu tølini frá hagstovuni í ES, Eurostat, og hagtølini fyri prísstig á vørum og tænastum. Tað skrivar forskning.no.

Prísstigið í hesum trimum londum var ávikavist 66, 59 og 43 % yvir miðalstigið í teimum 28 ES-londunum. Í Danmark, Svøríki, Finnlandi, Luksemburg og Írlandi var miðalstigið eisini høgt - millum 22 og 42 % yvir miðal.

prisstig3.png

Caption: 
Mynd: Statistics Norway

Hinvegin hava londini í Balkan lægsta prísstigið í kanningini. Í t.d. Makedónia og Bulgaria var prísstigið umleið helvtina av miðaltalinum fyri øll 28 ES-londini.

Hagtølini vísa, at í 2017 var dýrast at keypa matvørur og rúsdrekka í Sveis, Noreg og Íslandi. Í Makedónia, Rumenia og Póllandi vóru hesar vørur bíligast.

Rúsdrekka og tubakk dýrsta í Íslandi og Noregi

Dýrast at keypa rúsdrekka og tubakk er í Íslandi og Noregi, har kostar tað umleið dupult so nógv sum miðalprísurin í Evropa.

Rúsdrekka og tubakk er eisini dýrt í Írlandi og Bretlandi, vísa høgtølini. Bíligasta rúsdrekka og tubakk er at fáa í Makedónia, Serbia, Bosnia og Herzegovina og Albania.

chart.png

Caption: 
Mynd: Statistics Norway

Hagtølini frá Eurostat vísa, hvat húsarhald í evropiskum londum rinda fyri vørur og tænastur. Tað er eisini hetta, sum myndin omanfyri vísir. Har sæst, at Ísland, sum er grøni stabbin, í næstum øllum førum liggur omanfyri hini londini á prísstiganum.

Í 2017 hevði Noreg dýrastu matvørur og alkoholfríar drykkivørur í Norðurlondum, meðan Danmark hevur hægstu prísirnir fyri bólkin: bústaður, ljós og brennievni. 

Donsku prísirnir fyri bústað, ljós og brennievni vóru 10 % hægri enn í Íslandi, 17 % hægri enn í Finnlandi, 26 % omanfyri Noreg og 37 % omanfyri svensku prísirnar.

Ísland hevði serstakliga høgt prísstig fyri møblar, húsarhaldsútbúna og viðlíkahald av innbúgvi, og hetta er møguliga tí, at flutningskostanðurin til Íslands skal leggjast afturat, skrivar forskning.no.
 

Nýggjastu sendingar í ÚV
Leygardag 23. februar
Morgunlestur leygardagur 23. februar 2019
90860
Fríggjadag 22. februar
Síðsta Skríggj 22.februar 2019
91536
Fríggjadag 22. februar
LEITISSTEIN 22.02.2019
91535
Fríggjadag 22. februar
Pressan: Bara lúsin útlendsk er
91528
Fríggjadag 22. februar
Góðan morgun Føroyar 180219
91525
Nýggjastu sendingar í SV
Fríggjadag 22. februar
Lyst 28
91497
Hósdag 21. februar
Andri á føroyaferð (1:6)
91363
Mikudag 20. februar
Landafrøðingurin og testamentið (4:8)
90633