Kalsoyingar fáa egna bíðirøð

27.06.2018 - 18:02
AktueltSamfelag
Kalsoyingar fáa egna bíðirøð
Í summar fara kalsoyingar at fáa eina bíðirøð á ferjulegini á Syðradali, sum er til fólk, ið búgva í Kalsoynni.
 
 

Økta ferðafólkatalið um Kalsoyarfjørð ger, at kalsoyingar hava trupult at sleppa við Sam.

Útoyggjafelagið hevur mælt til, at ein bíðirøð verður gjørd á ferjuleguni, sum tryggjar, at kalsoyingar sleppa yvir um fjørðin. Hetta verður gjørt nú í summar, sigur Landsverk.

Næstan 8.000 bilar um Kalsoyarfjørð

Ferðafólkatalið á Kalsoyarleiðini er vaksið nógv seinastu árini.

Í 2014 fóru 38.335 fólk og 5854 bilar um Kalsoyarfjørð. Í fjør fóru 57.306 ferðafólk og 7.964 bilar um Kalsoyarfjørð við Sam.

Hetta merkja kalsoyingar, tí ofta er ivasamt, um tey yvirhøvur sleppa við Sam.

Sent skriv til Strandferðsluna

Útoyggjafelagið hevur tí sent Strandferðsluni og Samferðslumálaráðnum bræv, har felagið heitir á tey um at fáa eina loysn innan 1. juli.

Í brævinum skrivar Útoyggjafelagið: "Frá mai til september er Sam so fultsetttur við bilum og fólki, at íbúgvarnir í Kalsoynni ongantíð vita, um tey sleppa við ella ikki."

Eisini skrivar felagið: "Henda ótolandi støða órógvar alt virksemið hjá teimum, sum búgva í oynni, tí avtalur mugu útsetast ella avlýsast, og tað valdar ótryggleiki í allari fyriskipan av gerandisdegnum. Sum dagarnir ganga, gerst støðan bara meira og meira ørkymlandi, og tað skapar øsing og mistrivnað."

Bilrað til kalsoyingar

Útoyggjafelagið skjýtur upp, at eitt bilrað verður sett av til teirra, sum búgva í Kalsoynni. Hesi skulu hava íbúgvakort og skulu sleppa fyrst umborð.

Strandferðslan hevur ikki heimild á landið - tað hevur Landsverk. Tí hevur Strandferðslan vent sær til Landsverk.

Armgarð Steinhólm, leiðari á deildini fyri infrakervi, sigur, at Landsverk fer at gera hetta í summar.

Havnin á Syðradali er landshavn og kemur tí undir Landsverk, meðan havnin í Klaksvík er kommununal.

Nýggjastu sendingar í ÚV
Sunnudag 23. september
Meg minnist: Jákup Mikal Mikkelsen (2:2)
85431
Sunnudag 23. september
Guðstænasta í Haldórsvíkar kirkju
85660
Sunnudag 23. september
Einsamallur úti á opnum havi
85609
Leygardag 22. september
Morgunlestur leygardagur 22. september 2018
85416
Fríggjadag 21. september
Pressan: Politiskur journalistikkur
85610
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382