Kærumál um umróður ikki avgreitt

11.07.2018 - 08:36
ÍtrótturKappróður
Kærumál um umróður ikki avgreitt
Málið um róðurin hjá 5-mannaførum gentum á Eystanstevnu er ikki av enn. 
 

Í síðstu viku gjørdi dómsnevndin av at ógilda úrskurðin hjá nevndini í Róðrarsambandinum, og segði, at eingin umróður verður hjá 5-mannaførum gentum.

Men tað fall ikki góða jørð hjá øllum. 

Nú hevur eitt kappróðrarfelag kært úrskurðin hjá Dómsnevndini til ítróttardómstólin hjá ÍSF.

Róðrarsambandið fekk klagu um tjóvstart í FM-róðrinum á Eystanstevnu hálvan juni. Nevndin kannaði videotilfar frá málinum og kundi staðfesta, at ikki minni enn átta bátar tjóvstartaðu. Nevndin gjørdi av, at 5-mannafør gentur skuldu rógva umaftur. 

- Tá støðan er soleiðis, so hava vit ikki annan møguleika enn at døma umróður, segði Annika Dalsgarð, forkvinna í Róðrarsambandinum um avgerðina.

Men tað vóru fleiri meiningar um tað. 

Tvey feløg kærdu úrskurðin hjá nevndini til dómsnevndina, og nú hevur so eitt kappróðrarfelag kært úrskurðin hjá dómsnevndini til ítróttardómstólin.

Í ítróttardómstólinum, sum er undir ÍSF, sita Anna Rein, forkvinna, Eyðhild Skaalum, Børge B. Hansen, Jóhan Lamhauge og Magnus Dam.

Tveir róðrar eru eftir í FM-kappingini. Róð verður um vikuskiftið á Vestanstevnu í Sandavági og so á ólavsøku.

Niðanfyri síggjast videoupptøkur av Eystanstevnuróðrinum, tá átta bátar, sambært Róðrarsambandinum, tjóvstartaðu:

20180621_MUGU_ROGVA_UMAFTUR
 
Nýggjastu sendingar í ÚV
Sunnudag 20. oktober
Meg minnist: Egil Hoydal (1:2)
99927
Sunnudag 20. oktober
Bolero 20 okt. 2019
100078
Sunnudag 20. oktober
Guðstænasta úr Kunoyar kirkju 20 okt. 2019
100077
Sunnudag 20. oktober
Minnismyndir: Hans Holm (2:3)
99843
Sunnudag 20. oktober
Credo: Rennandi presturin
100037
Nýggjastu sendingar í SV
Sunnudag 20. oktober
Andakt við Heðini Lamhauge
100075
Sunnudag 20. oktober
Heystguðstænasta úr Eiðis kirkju
100076
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826