2,5 milliardir fleiri fólk í heiminum um 30 ár

12.07.2018 - 14:11
AktueltSamfelag
2,5 milliardir fleiri fólk í heiminum um 30 ár
Sjálvt um fólkavøksturin í norðurlondum sambært forsøgnunum hjá FN ikki fer at vaksa stórvegis, verður trongt í øðrum pørtum í heiminum.
 
 

Í løtuni eru vit 7,6 milliardir fólk. Komandi 30 árini verða vit 2,5 milliardir fleiri fólk. Hvørt sekund verða vit í miðal 2,5 fólk fleiri í heiminum. 

Orsøkin til fólkavøksturin er, at menniskju liva longri og longri, og miðallivialdurin á menniskjum kring heimin verður bara hægri. 

Sjálvt um fólkavøksturin í norðurlondum sambært forsøgnunum hjá FN ikki fer at vaksa stórvegis, verður trongt í øðrum pørtum í heiminum. Tað skrivar DR.

Serliga í Afrika verður fólkavøksturin stórur. Nigeria er tað landið í heiminum, har fólkavøksturin er størstur, og sambært forsøgnunum hjá FN fer Nigeria at yvirhála USA, sum er tað landið í heiminum við triðhægsta íbúgvaratali. 

Ein orsøk til stóra fólkavøksturin í Afrika er sambært serfrøðingum millum annað tann, at 214 milliónir kvinnur í Afrika ikki hava atgongd, ráð ella loyvi til at brúka fyribyrging. Hetta merkir millum annað, at fólkatalið í 25 londum í Afrika verður tvífaldað áðrenn 2050.

Pernille Fenger er talskvinna hjá íbúgvaragrunninum hjá FN, og sambært henni verður tað arbeitt málrættað eftir at útbúgva um fyribyrging samt at syrgja fyri, at afrikanska kvinnur fáa atgongd til ta fyribyrging, sum teimum tørvar. 

Og fólkavøksturin er ikki uttan trupulleikar. 

Vánalig heilsa, manglandi útbúgvingarstovnar og arbeiðsloysi fara at plága londini við stórum fólkavøkstri. 

- Fleiri og fleiri fara til stóru býirnar fyri at fáa arbeiði, men flytanin millum londini kann hava stórar avleiðingar við sær. Lívsstílsjúkur so sum diabetes 2, økt blóðtrýst og blóðproppar verða fleiri, sigur Flemming Konradsen, sum er professari í altjóða heilsu í Universitetinum í Keypmannahavn, sigur Flemming Konradsen, professari í altjóða heilsu á Univeristetinum í Keypmannahavn. 

Nýggjastu sendingar í ÚV
Leygardag 23. februar
Hvør myrdi Alec de Antiquis
91097
Leygardag 23. februar
Leygardagur 23.02.19
91563
Leygardag 23. februar
Tú skalt einki siga
91557
Leygardag 23. februar
Morgunlestur leygardagur 23. februar 2019
90860
Nýggjastu sendingar í SV
Leygardag 23. februar
Hondbóltur: Neistin - Kyndil
91573
Leygardag 23. februar
Hondbóltur: VíF - Kyndil
91572
Leygardag 23. februar
Mitt í náttúruni (9:9)
90125
Fríggjadag 22. februar
Lyst 28
91497
Fríggjadag 22. februar
Vinnulívsmenn kjakast um fiskivinnu
91538