Smá 5.000 fólk vóru í fátækraváða í 2016

12.07.2018 - 12:29
AktueltSamfelag
Smá 5.000 fólk vóru í fátækraváða í 2016
Knappliga 5.000 fólk í Føroyum vóru í fátækraváða í 2016, tað sigur Hagstovan, sum hevur dagført tølini um inntøkuviðurskiftini hjá føroyingum.
Mynd: © Hagstovan  
 
 

Knappliga 5.000 fólk í Føroyum vóru í fátækraváða í 2016, tað sigur Hagstovan.

Tey høvdu hetta árið eina javnvirðisinntøku, sum ger, at tey verða mett at vera í vanda fyri at gerast fátæk.

Hagstovan sigur, at 10,1 % av fólkinum, sum búðu í Føroyum í 2016, vóru í fátækraváða.

Javnvirðisinntøkan hjá støkum fólkum, sum ikki eiga børn, var 138.800 krónur í 2016.

Eru fleiri fólk í húskinum, hækka mørkini fyri, nær fólk eru í fátækraváða:

fataekramarkid.png

Caption: 
Markið fyri fátækraváða. Kelda: Hagstovan

Fyrstu ferð, fátækraváðin varð roknaður í Føroyum, var í 2009. Tá vóru 8,8 % í fátækraváða.

Hetta talið er vaksið síðani 2010, men tað minkaði tó eitt vet, 0,7 prosentstig, frá 2014 til 2016. Í 2015 vóru 10,6 % í fátækraváða í Føroyum. 

Hagstovan sigur, at í 2016 var fátækraváðin í Norðurlondum minstur í Íslandi, 9,6 %, og størstur í Svøríki, 14,5 %. Í Danmark var hann 12,2 % í 2016. 

Nýggjastu sendingar í ÚV
Nýggjastu sendingar í SV
Mánadag 19. november
3-2
87924
Mánadag 19. november
Miss Perfect (4:6)
87155
Sunnudag 18. november
Andaktin
87870
Sunnudag 18. november
Guðstænasta úr Gjáar kirkju
87872
Sunnudag 18. november
Merkisverda Glomma á (3:5)
87464