Hellið verður ferðavinnumál

13.07.2018 - 14:35
AktueltSamfelag
Hellið verður ferðavinnumál
Myndugleikarnir í Teilandi ætla nú at gera hellið, sum 12 fótbóltsdreingir og venjari teirra sótu avbyrgdir í, um til ferðavinnumál.
Fleiri enn 1000 fólk luttóku í bjargingini av fótbóltsdreingjunum og venjara teirra.
Mynd: © Scanpix  
 

Danska kringvarpið skrivar á heimasíðuni, at myndugleikarnir í Teilandi hava gjørt av, at hellið, sum teir 12 fótbóltsdreingirnir og venjari teirra sótu avbyrgdir í, skal gerast til eitt ferðavinnumál av teimum heilt stóru. 

Sambært einum limi í bjarginarliðnum, skal hellið gerast um til eitt savn, sum skal vísa, hvussu bjargingarroyndinirnar fóru fram. 

Teir 12 fótbóltsdreingirnir og venjari teirra sótu avbyrgdir í Tham Luang-hellinum í Teilandi í 18 samdøgur, áðrenn tað loksins eydnaðist at bjarga teimum út aftur. 

Teilendska fótbóltsliðið var á útferð og leitaði sær skjól í hellinum tann 23. juni, tá tað fór at regna av grimd. Vatnið fleyt inn í hellið, og dreingirnir sótu fastir. 

Tham Luang-hellið er eitt tað størsta Í teilandi og liggur tætt við markið til Myanmar. 

- Økið skal verða eitt livandi savn, har tað ber til at síggja, hvussu alt gekk fyri seg, sigur leiðarin av bjargingarroyndunum, Narongsak Osottanakorn sambært DR.dk.

Forsetisráðharrin í Teilandi sigur tó, at trygdin hjá ferðafólkunum kemur í fyrstu røð, og tí skulu neyðugu trygdartiltøkini setast í verk bæði í og uttan fyri hellið, áðrenn hellið verður latið upp fyri ferðafólkum. 

Enn er óvist, nær hellið verður klárt sum ferðavinnumál. 

 
Nýggjastu sendingar í ÚV
Mánadag 28. september
Nón 28. september 2020
114055
Mánadag 28. september
KÍ hevur størstu avbjóðingina í søguni
114053
Mánadag 28. september
Norðurljóð 28.september 2020
113957
Mánadag 28. september
Áðrenn Elvis
114051
Mánadag 28. september
Góðan morgun Føroyar 28.09.20
114040
Nýggjastu sendingar í SV
Sunnudag 27. september
Guðstænasta úr Kollafjarðar kirkju
114003
Sunnudag 27. september
Andaktin
114007
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812