Kunnu nú skifta kyn uttan læknaváttan í Portugal

13.07.2018 - 11:08
AktueltÚtheimurin
Kunnu nú skifta kyn uttan læknaváttan í Portugal
Borgarar í Portugal kunnu frameftir broyta kyn og navn sítt, tá tey eru 16 ára gomul ella eldri, uttan at hava læknaváttan, ið vísir "samleika-órógv
 
 

Portugisiska parlamentið samtykti í gjár eina lóg, sum loyvir borgarum at broyta sítt kyn og navn, tá tey eru 16 ára gomul ella eldri, uttan at hava læknaváttan, sum vísir "samleika-órógv".

Portugal verður sostatt sætta landið í Evropa, sum gevur borgarum rætt til at avgerða sín samleika uttan fyrst at hava fingið diagnosuna "samleikaórógv". 

Hini londin í Evropa eru Danmark, Noreg, Svøríki, Malta og Írland.

- Eingin hevur brúk fyri, at ein triðji partur skal siga, um tú ert maður ella kvinna, drongur ella genta, segði portugisiski politikarin, Sandra Cunha frá vinstravonginum, undir orðaskiftinum í parlamentinum í gjár. 

At broyta navn og kyn hevur tó einki samband við at møguleikan at fáa kynsskiftisskurðviðgerð.

Síðani 2011 hevur ein lóg kravt, at transkyndir persónar í Portugal skulu hava medisinska diagnosu, áðrenn tey kunnu skifta kyn og navn, tá kynið ikki svarar við tað lívfrøðiliga.

Portugisiski forsetin, Marcelo Rebelo de Sousa, skal tó fyrst skriva undir lógina, áðrenn hon kemur í gildi.

Í apríl nýtti forsetin veto-rætt sín móti fyrsta lógatekstinum. Tað gjørdi hann, tí hann vil hava, at tað framvegis skal verða læknaváttan í málum, har persónurin er millum 16 og 18 ára gamal, skrivar AFP.


 

Nýggjastu sendingar í ÚV
Nýggjastu sendingar í SV
Mikudag 20. mars
25 minuttir: Jóna Joensen
92340
Mánadag 18. mars
3-2
92439
Sunnudag 17. mars
Guðstænasta í Havnar kirkju
92392
Sunnudag 17. mars
Andakt við Óla Poulsen
92389
Leygardag 16. mars
Estetiskur fimleikur, 2 partur
92376