Reyði Krossur Føroya latið 200.000 til Yemen

13.07.2018 - 15:35
AktueltÚtheimurin
Reyði Krossur Føroya latið 200.000 til Yemen
Áleið 18,8 milliónir menniskju í Yemen hava tørv á humaniterari hjálp og verju, og 10,3 milliónir av teimum hava tørv á bráfeingis neyðhjálp.
Mynd: © Reyði Krossur Føroyar  
 

Reyði Krossur Føroya hevur latið 200.000 kr. til Yemen. Tað stendur á heimasíðuni hjá Reyða Krossi

Reyði Krossur skrivar, at felagið er til staðar í Yemen fyri at veita grundleggjandi og lívbjargandi neyðhjálp. Tvey ár av vápnaðum stríði hevur elvt til stóra oyðilegging í Yemen, umframt at fátækadømi og hungursneyð hava herjað í fleiri ár. Óteljandi bardagar og bumbubrestir hava javnað samfelagsbygnaðin við jørðina, og eingin almenn heilsutrygd er í landinum.

Ein avleiðing av vápnaða stríðnum er millum annað, at tað er torført at fáa mat inn í landið, og at tað alsamt verður verri at fáa fatur á drekkivatni. Áleið 18,8 milliónir menniskju í Yemen hava tørv á humaniterari hjálp og verju, og 10,3 milliónir av teimum hava tørv á bráfeingis neyðhjálp.

Tí hevur Reyði Krossur valt at lata Yemen 200.000 krónur. Sambært felagnum kunnu 50 krónur geva mat til eitt barn í Yemen í tríggjar vikur, og 430 krónur røkka til at geva einari familju í Yemen eitt skýli við neyðugari útgerð.

 
Nýggjastu sendingar í ÚV
Týsdag 18. februar
Dagsins yrking - Hinumegin vindeygað
104238
Týsdag 18. februar
Góðan morgun Føroyar 18. februar
104969
Mánadag 17. februar
Við Tórði á túri á náttarvakt
104938
Nýggjastu sendingar í SV
Týsdag 18. februar
Sí stuttdokumentarin: KOKS og stjørnurnar
104965
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891